Daily Newspaper

Champhai dist.-ah tui connection nei lo in 7969

7

Champhai district-a thingtlang khuaah sawrkar ruahmana tui connection nei lo in 7969 an la awm a. Sawrkar laipui ruahmanna – Jal Jeevan Mission hnuaiah pek vek tum mek an ni.

Nilaini khan Champhai District Water & Sanitation Mission (DWSM) chu an chairman, district bawrhsap ni bawk Maria CT Zuali kaihhruaiin an thukhawm a. Kum 2024-a thingtlang khua in tinte hnena tui thianghlim pek vek hmanna tur – Jal Jeevan Mission (JJM) hnuaia Champhai district-a hmalak tawhna leh hmabak hlen kawnga ruahmanna siamte an thlir ho.

Bawrhsap chuan JJM kaltlang hian sawrkar laipuiin thingtlang khuaa in tinah tui thianghlim in tur pek vek a tum thu a sawi. “Tui thianghlim hnianghnar leh nitin mamawh phuhru tur nakin zela nei thei tur chuan tuihna siamtu ramngawte kan venhim a ngai a, hemi kawngah hian line department dangte pawh an tangkaiin mipui zirtir kawngah tan an lak a ngai hle dawn a ni,” a ti.

Thukhawm chuan thingtlang khawtina tui thianghlim mamawh dan leh senso ngai thei tur tarlanna – Village Level Action Plan duante thlir hoin, Draft District Action Plan chu chulmam a nih hnuah kum 2024 thleng Physical & Financial Action Plan atana sum ruahman Rs 84,41,51,200 chu pawm a ni. Line department hrang hrangte nena thawhdun theihna tur pawh ngaihtuah ho a ni.

Jal Jeevan Mission hi National Rural Drinking Water Programme (NRDWP) thlaktu niin, 2019 khan kalpui tan a ni a. He Mission kaltlang hian kum 2024-ah chuan thingtlang khaw in tinah tui tianghlim nitin mi pakhat zel tan litre 55 pek tum a ni. School, Anganwadi, GP building, health centres, wellness centres leh community building-ah te pawh tui pek vek tum a ni. Tui thianghlim in tur pek mai bakah tuihna humhalh leh ven kawngah hma lak tum a ni bawk.

Champhai district-a thingtlang khuaah tui connection siamsak ngai in 9197 an awm a, heng zinga 514 chu NRDWP kaltlangin connection pek an lo ni tawh a. JJM kalpui a nih hnuah in 714-te tui connection pek belh leh niin, connection pek ngai in 7969 ala awm.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy