Daily Newspaper

Champhai District Hospital chawimawina hlan

11

Champhai district-a kuthnathawktu hlawhlingte leh fai inelnaa district tihmingthatu District Hospital Champhai chawimawina chu Zirtawpni khan buatsaih a ni a. Lok Sabha MP C. Lalrosanga chuan a hmanpui.

Kuthnathawktu chawimawina pekte hi an vaiin mi 7 an ni a, chawimawina thuziak leh sumfai Rs 5,000 theuh hlan an ni. He hun hi rinawm taka hna thawka hlawhtlinpui kuthnathawktute hnathawh thamral loa hriatpuina hun leh midangte zirtirtu tangkai tak ni thei tura duan a ni.

Agriculture department hnuaiah buh thar tam mi pahnih chawimawi an ni a. Phai leilet bigha 36-a zau atanga buh tin 1627 thartu KC Doliana, Vangchhia leh tlangram loneih tin 4 hmun atanga buh tin 738 thartu Lalthan-chhunga, Khuangthing hnenah lawmpuina thuziak leh Rs 5000 hlan a ni.

Horticulture department hnuaiah hectare khata zau, Bangalore Blue Variety Grape puitling kung 1500 atanga quintal 137 thartu HS Vanlalfakzuala, IB Veng Champhai, Ryozeki variety zikhlum tin khat hmun atanga quintal 95 thartu Lalchungnunga, Samthang leh hmarchate tin 230 thartu Immanuela, Thekpui hnenah lawmpuina thuziak leh Rs 5,000 hlan an ni.

AH&Vety department hnuaiah vawk 43 vulhtu R. Lalchhuanawma, Champhai Vengsang leh sial 37 vulhtu K. Vanhmingliana, Tualcheng hnenah chawimawina thuziak leh Rs 5000 hlan a ni bawk.

Damdawi in fai inelna, Kayakalp hmanga kum 2016 atanga 2020 chhunga damdawi in fai thlanchhuah pathum zinga la tel zat zat District Hospital Champhai tana Clean, Beautiful and Healthy Champhai Town Committee ten chawimawina thuziak an buatsaih chu MP hian a hlan a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy