Daily Newspaper

Champhai kawnga NH No.6 laih tan tur hawng

12

National Highway No.6 (Seling-Champhai) double lane-a laih zauh hna thawh mekah, Khawzawl leh Champhai inkar kawngpui Km. 26.78-a thui laih bul tan tur chu Ningani khan Khawzawl district bawrhsap Zothanmawia’n Khawzawl Lungvar Veng JNV gate bulah a hawng.

Bawrhsap chuan hun rei tak atanga khawchhak tlangdung mipuiten an lo nghahhlelh tawh, kawng tha leh tawi zawk siam hna a taka kalpui a ni tur chu lawmawm a tih thu a sawi a. Hna avanga Champhaia lo awm tawh thin a nih angin, Champhai leh Aizawl inkar darkar 7 vel thang tul thin chu, fur lai phei chuan zinkawngah rei tak tak thang a ngai a ni tiin, double lane kawngpui laih zawh hun tur chu nghahhlelhawm a tih thu a sawi. He kawngpui hi kuthnathawktute tan pawh malsawmna a nih tur thu sawiin, an thlai tharchhuahte awlsam zawk leh hun rei lote chhungin Aizawl an panpui thei tawh dawn tih a sawi a ni.

Tuna State Highway hman mek, Khawzawl leh Champhai inkar kawng hi kilometre 40-a thui a ni a. Kawngpui laih thar tur hi Km. 26.78-a thui tur a ni a, km.13 in a hma aiin a tawi zawk dawn a ni. He kawng hi Rs. 37,04,32,00,000 senga laih turin niin, NHIDCL hnuaia contractor M/s Shri Balaji Construction Company-in a thawk dawn a, kum hnih chhunga lai zo tur leh kum nga dang enkawl zui tura ruahman a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy