Undivided Champhai district chhunga damdawi zuartu (drugs dealer) te tan Ningani khan Champhaiah an hriat tur tul inhrilhin intuaitharna hun hman a ni.
He hun hmanpuitu Directorate of Health Services Lalsawma Pachuau chuan damdawi zuartute chu damlote thih leh dam thu ah mawhphurhna lian tak an nei tih sawiin, damloten an mamawh tak damdawi an ei theihna turin an pawimawh hle tih a sawi. Damdawi zawrh chu thildang zawrh nena thil danglam tak, licence neih ngai a nih avangin department a fimkhur a, a zuartute pawh an fimkhur hle a ngai, tiin, mawhphurhna lian tak an neih chu hlenchhuak ngei turin a chah. Damlo mangang hmachhawn thin an nih avangin anmahni dawrtute chu hawihhawm taka dawngsawng thin turin a chah bawk.
Training-ah hian damdawi zuartute chu an mawhphurhna hrang hrang, dan bawhchhiatna awm thei leh a hremna dante zirtir an ni a. Damdawi lem, mihring tana tha lo zawrh palh theihna laka fimkhurna tur bakah mipui nunna chungchangah mawhphurhna thui tak an neih thute zirtir an ni. Undivided Champhai district-a damdawi zuartu 208 an tel a ni.
Champhaiah damdawi zuar intuaithar
![](https://theaizawlpost.org/wp-content/uploads/tap_logo-min-large.jpg)