Pathiannia final-a 2-1-a Nigeria hnehtu Ivory Coast chuan Africa Cup of Nations trophy nen an ram an lut a, an khawpui Abidjan-ah bus chungkhuhloh hmangin khawlai fanpui an ni a, football fans sang tamtakin an lo lawm.
Tun kha Elephants kuta Afcon title vawithum luhna ni tawhin, African palian an nihna an sawhnghet deuh deuh.
Footballs fans hian champion lawm-na T-shirt an ha chhuak fur a, an ram hnam puanzar lek bawkin, an khawpuia champion team lo haw inkulhna Hotel Palmier atangin kawngzawh an tan a, kawng tluanin mipuiin kawngsir tuakah an pasaltha ram mu hlawhtling an lo lawm a; a hmawrbawkna atan mipui tam mangkheng lenna Félix Houphouet Boigny stadium-ah a lawmna pui ber hmang turin an lutkhawm.
Champion lawmin Ivorian mipui chhuakkhawm
