Daily Newspaper

CHANCHIN TAWI

22

CM-in sawm
Mizoram Kohhran Hruaitute Committee chuan July 18 (Pathianni) zan dar 7.00 hian Covid-19 hri laka Mizoram a him theih nan rampum huap tawngtai an buatsaih a. Chief minister Zoramthanga chuan Zoram ringtu zawng zawngte, an remchanna hmun atanga he tawngtai rual hun hi hmang theuh turin a sawm a ni.

TNT hlip
Aizawl East chief medical officer zirchianna leh rawtna angin, Aizawl bawrhsap chuan Covid-19 kaihhnawiha sawrkarin dan a tlawhchhan mek hmangin TNT Muanna Veng containment zone/area-a puanna chu July 15 tlai dar 5.00 atang khan hlih a nih thu a chhuah.

Nuai 387
July 16 thleng khan Chief Minister’s Relief Fund for COVID-19 ah sum Rs. 3,87,98,208 a awm a, nimin hian 1st IR Bn Kohhran, Mualvum chuan Rs.50000 an chhunglut. Covid-19 dona atana mimal, pawl leh kohhran atanga sum lut tawh zawng zawng hi Rs. 29,19,12,678 niin, hman tawh chu Rs. 25,31,14,470 a ni.

Councillor-in pe
AMC Ward No.XVI councillor R. Lalawmpuii chuan nimin khan a bial chhung Bethlehem Vengthlang Sub Centre-a hman tur tui dahvawhna khawl tha tak a pe a, a bial chhunga degree course hrang hrang exam hmachhawnte hnenah study material a lo sem theuh tawh a ni.

ZMC tan pe
Mizoram Medical Laboratory Technology Graduate Association chuan ZMC-SRHF thawktu tan thei ei tur box engemawzat, Poor Fund-ah Rs 11000 leh laboratory staff-te thingpui inna tur Rs 4500 an pe. ‘Mizoramah hrilen laiin lab.technician-te leh medical worker-te hahzia leh pawimawhzia kan hria a. Laboratory technician bikah Mizoram puma thawktu an indaihlo em em karah hlawh engmah beisei loa inpe voluntary worker-te avanga Covid19 hri hmuhchhuahnaa kal thei hi, thawktute leh volunteer-te chungah lawmthu kan sawi a ni,” an thuchhuah chuan a ti.

Tlan dan
Mizoram sawrkarin thupek a hman mek tlawhchhan leh MV Act 1988-in thuneihna a pek angin Aizawl Traffic SP chuan mipuite tana remchan zawk nan leh Covid-19 laka mipui him zawkna atan, Aizawl khawpui AMC huamchhungah 2021 July 16 leh 17 zanlai dar 12.00 thlenga Aizawl City Bus, taxi leh two wheeler taxi intlanchhawk dan tur thupek a chhuah a. July 17 bikah hian taxi leh two wheeler taxi ah ‘A’ an tlan ang. City bus chu Aizawl City Bus Owners Association-in routine a siam angin an tlan thei a, nikhatah bus 80 aia tamlo service tura tih an ni thung. Bus, taxi leh two wheeler taxi-te hi curfew hun chhung – zan dar 7.00 atanga zing dar 4.00 inkar tlan phal a ni lo a. Thupek zawm lo man te chu dan tlawhchhan hmanga hrem an nih tur thu a sawi.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy