Daily Newspaper

CHANCHIN TAWI

6

Duty-te pe
MNF Thalai Mamit Centre Block chuan Mamit district chhung Chuhvel khawdai ramria duty mek Mizoram Police-te tan chawhmeh chi hrang hrang leh an mamawh an pe.

Thisen pe
July 30 kha Thalai Kristian Pawl (TKP) din champha vawi 70-na a ni a. He ni denchhen hian TKP Ebenezer Kohhran, Serchhip chuan Serchhip Hospiatal Blood Bank-a hman turin thisen unit 17 an pe.

MIMA-in thlen
Mizoram Merchant Association chuan Prime minister Narendra Modi hnenah lehkha thawnin, July 26 atanga tun thlengin Mizoram mamawh lakluhna national highway 306, Assam ram chhunga danchah mek leh rel kawng tihchhiat a nih thu an thlen a. Hengte hi tihtawp leh siamthat thuai a nih theih nan hma la turin an ngen.

DC-in hrilh
Kolasib district bawrhsap chuan an district huamchhungah tunhnaia ramri buaina chhuak avangin tumahin hnamdang mi, Kolasib district paltlang tur emaw a chhunga chengte tan harsatna siam zawnga che lo turin a ti a. Hemi kaihhnawiha Kolasib district chhungah hnamdang mi harsatna tawk an awm anih chuan a rang thei ang bera an thlenna tur hrilhhriat an ni.

Hnatlang
Taitesena Group YMA chuan Chuhvel atanga Assam ramri hnaiha Mizoram Police-te camp panna tur kawngpui chu nimin khan hnatlangin an siam. Chuhvel atang hian Mizoram Police te duty na hi lirthei nazawnga thlen theih a ni loa, police-te awlsam taka an thlen zung zung theih nan boulder hmangin kawngpui hi thawm thain member 150 chuang an thawkchhuak. Hnatlangah hian PWD Division Kawrthah chuan lung, road roller leh excavator an thawh a, Mizoram Earth Movers Association-in excavator pathum an thawh a ni. Taitesena Group YMA hian Mizoram Police duty-te hman tur puan in pahnih an pe bawk.

CCC atana ruahman thar pahnih minister-in tlawh
Health minister Dr R. Lalthangliana chuan Aizawl khawpui huamchhunga COVID Care Centre tura buatsaih mek Multipurpose Sports Complex, Joint YMA Field Aizawl leh Falkland-a Rajiv Awas Yojana (RAY) building bakah DCHC-a hman tura ruahman mek Kulikawn Hospital-te tlawhin, an inbuatsaihna kal mekte a enpui.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy