Daily Newspaper

CHANCHIN TAWI

29

30 chhuak
Covid-19 kai avanga enkawlna hmun – CCC/DCHC hrang hrang atangin October 5 khan hri kai tawh lo mi 30 chhuahtir an ni. Hengte hi – CCC Mamit atangin 1, SRHF-ZMC 3, Nursing School CCC Serchhip 8, CCC Chhiahtlang 1 leh Tribal Art Centre CCC Tanhril 17 an ni.

ZPM-in ruat
Zoram People’s Movement elected office bearer thukhawm chuan an party secretary general atan PC Vanlalruata a ruat a. Tlawmngaih chhuaha thahnem ngai taka a hna hi pawm tura ngen leh beisei a ni tih an ruatna lehkhaah hian an ziak.

Leimin thianfai
Ruahsur avanga October 5 zing khawvar hma deuha Khatla South Veng huamchhung hmun thumah lei a min a, khawtlangin hnatlangin an thianfai. Ruahsur vanga leimin a awm hian Khata ‘S’ LC hmalakna in Local Sanitation bial hrang hrangten an huamchhung theuh thenfai hna an thawk nghal thin a ni.

Faina hnatlang
UD&PA Department Serchhip leh District Child Protection Unit Serchhip chuan Faina Hapta denchhenin nimin khan an pisa leh a chhehvel tifaiin an hnatlang. Chhiahtlang South Village Council pawhin khawtlang huap hnatlang neiin national highway kam an samfai a, an thawh hmabak vengchhung hmundang pawh la thawh chhunzawm zel an tum tih khawtlang hruaitute chuan an sawi. Faina Hapta 2020 hman meka sawrkar pisa inelna leh Mizoram khawpui fai inelna kal mekte, Swachh Survekshan 2021 inelna kal meka inbuatsaih nan Serchhip khawpui hi a inpuahchah tan a ni.

Clinic hawng
State Referral Hospital Falkawn (SRHF) chuan an awmna Falkawn khuaa BNRGSK building-ah clinic an siam thar a, nimin khan SRHF medical superintendent Dr HC Laldina’n a hawng. Covid-19 leng mekah sawrkarin Referral Hospital & Zoram Medical College chu Covid-19 hospital atan bik a zuahhran avangin Covid vang nilo, damlohna dang neite inentir leh inenkawlna kawngah Falkawn leh a chhehvel khuaten harsatna an tawh sutkian a nih theih nan Falkawn VC-ten sawrkara an ngenna tihlawhtlingin, he clinic hi siam a ni a, Thawhtanni atanga Zirtawpni chhung specialist hrang hrangten an thutchilh thin dawn a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy