Daily Newspaper

CHANCHIN TAWI

16

SMATE Exam
Higher & Technical Education Department chuan Mizoram state quota professional course hrang hrang, JEE leh NEET in a huam lohte zir tur thlanna – State Medical and Technical Entrance Examination (SMATEE) 2020 chu September 29 khian a buatsaih dawn a. Application thehlut tawh te tan September 21 atangin email leh phone no. ah admit card download theihna link thawn a ni ang. Harsatna nei chuan Technical Wing, H&TE Chaltlang-ah office hun chhungin lam theih a ni bawk.

Phut pui
Mizoram Taxi Association chuan thuchhuah siamin, mipui tana an rawngbawlpui, Mizo tanker driver-te kut thlak a, an lirthei tihchhiatsaktu Cachar Driver Association intiten an duh hun huna NH-54 an dang ve leh ngawt thin chu sawrkarin hma la a, heng pawi khawihtute hi a rang thei ang bera man chhuak tur leh, tun hnu zelah an tihnawn tawhloh nan an phu tawk hremna pe turin an duh tih an sawi. Kut tuartu Mizo driver-te chhawmdawlna tha tak pe tur leh an lirthei tihchhiatsakte siamthat sak an nih theih nan hma la turin an phut tih an sawi bawk.

Puihna hlan
Rotary Club of Aizawl chuan Covid-19 leng do nana Kolasib district-a hman tur hmaituamna 390, kut silna sahbawn 200 leh sumfai Rs. 10000 chu nimin khan Kolasib bawrhsap Dr H Lalthlangliana hnenah an hlan. Rotary Club of Aizawl hian Mizorama Covid-19 do nan sanitizer bur 2000, hmaituamna 2000 leh kutsilna sahbawn 2000 vel an semchhuak tawh tih an sawi a ni.

Lab hawng
Covid – 19 vei leh veiloh hriatna, Mamit District Hospital-a bun Truenat laboratory (Biosafety Level-2) chu hman theih a ni tawh a, Thawhlehni khan Mamit district bawrhsap Dr Lalrozama’n a hawng. A vawikhatna atan sample 16 test nghal a ni a. Ruahman lawk ang chuan sample hi Thawhlehni, Ningani leh Inrinna-ah te test thin tura ruahman a ni a, tul bik thil leh mamawh dan azirin siam danglam theih a nih bakah emergency thilah chuan engtik lai pawha test theih a ni.

Covid thihpui
USA, Maryland-a cheng Pastor Lalsanga Fanai (86) h/o Khuangziki Khawlhring chu 2020 September 14 khan Covid-19 vangin damdawi inah a thi. Amah hi Seventh-day Adventist pastor niin, a fate nena Maryland-ah hian awm an ni a, a nupui leh a fapa pawhin Covid hi kai mekin an ni erawh in lamah inenkawl lai an ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy