Daily Newspaper

CHANCHIN TAWI

9

VC thlan
Village council inthlan that ngaihna North Vanlaiphai VC inthlan hun atan Mizoram State Election Commission chuan 2020 December 10 a ruat. N.Vanlaiphai VC inthlana thil fel tawklo chungchang Election Tribunal chuan an thil hmuh dan report an siam chu Sub-Hqrs. YMA Serchhip SEC-a an thehluh hnuah VC inthlana tlinga sawi tawh chu pawm a nih loh avangin December 10 hian mipuiten vote an thlak tha leh dawn tih a sawi.

Minister-ten pe
Covid-19 hrileng dona atan a tul apianga hman turin Council of Ministers leh Lunglei HPC vice chairman hnen atangin November thla hlawhpui 50%, a vaia belhkhawmin Rs. 4,80,000 chu Chief Minister’s Relief Fund ah hmuh a ni a. Minister 11 leh HPC vice chairman te an ni a, Rs. 40,000 theuh a ni. Heti hian December 3 thlenga CM Relief Fund for Covid-19 a sum lut tawh zawng zawng chu Rs. 21,91,60,037 a ni a, hman tawhna belhkhawm chu Rs. 19,58,11,013 a ni.

Lungphum phum
Sports minister Robert Romawia Royte chuan nimin khan Chawngte Football Ground-a astroturf (phullem) phah hna tanna tur lungphum a phum. Phul lem phah nan hian sawrkar laipuia Ministry of Minority Affairs atangin cheng nuai 532.50 sanction a ni a, 1st instalment nuai 239.62 chu Mizoram sawrkarah pek a ni tawh ta. Field-a phullem phah tur hi a dung metres 110 leh a vang metres 74 a ni.

Khawl sem
Land Resources, Soil & Water Conservation Department chuan Mizoram district hrang hranga rubber chingtute hnenah rubber sawngbawlna khawl (rubber rolling machine) 100 a semchhuak dawn a, nimin khan LRS&WC Kolasib district hnuaia rubber chingtu 24 hnenah pawh sem a ni a, district bawrhsap Dr H. Lalthlangliana’n a hmanpui. Rubber rolling machine bakah hian rubber hnaina atana hmanraw pawimawh hrang hrangte pawh semchhuah nghal a ni. Kolasib district chhungah LRS&WC Department chhinchhiah danin, rubber kung nuai 2.25 vel a awm mek a, heng zingah hian hnai mai theih kung 50000 vel a awm a ni. Rubber chingtu chhungkua 216 vel awmin ching thar tura inruahman an awm nual bawk.

Thukhawm
Lunglei District Task Force on Immunization (DTFI) chu nimin khan Lungleiah addl DC R. Vanrengpuia kaihhruaiin an thukhawm. Covid-19 hri laka invenna – vaccine a rawn chhuah huna pekchhuah dan tur leh hman dan tur chungchang bakah pawimawh dangte an rel. Bunghmun, Lungsen leh Tlabung medical officer-te report danin, harsatna an tawh thinte leh an district khawthlang lamah inkalpawhna leh inbiakpawhna a that tawk loh avanga harsatna an tawh thu an sawi. Vaccine la duh lo an awm fo avangin harsatna an tawh thin thu an sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy