Daily Newspaper

CHANCHIN TAWI

11

Buh phurhsak
YMA Darlawn Branch chuan an veng chhunga damlohna avanga buh phur thei lo chhungkaw pakhat chu nimin khan buh an phurhsak a, mi 40 chuang thawkchhuakin an phurh zawh sak vek a ni. Krismas pualin vengchhung harsa chhungkua 6 hnenah sumfaiin tanpuina an pe bawk.

Vbc.22 lut
Covid-19 dona atana hman tangkai turin Chief Minister’s Relief Fund for COVID-19 ah December 21 thleng khan Rs. 22,22,03,137 a lut tawh a, hman tawhna zawng zawng belhkhawm chu Rs. 19,58,11,013 a ni.

Fund sem
Lungleiah Chief Minister’s Discretionary Fund atangin hospitals, jail, orphanages, home leh adt. Krismas an hman nan pek an ni a, an semchhuah hi a vaiin Rs. 44,500 a ni a, an pekna hmun azirin semrual a ni.

ICU-ah nil
Mizoram sawrkarin Covid-19 enkawlna pui atana a duan ZMC-SRHF ah December 21 khan Covid-19 hri kai dahluh thar an awm lo a, tun dinhmunah Covid-19 kai mi 18 enkawl mek an ni. Tunah hian ICU-a enkawl an awm rih loa, Isolation ward-a awm 5-ten oxygen an mamawh mek thung. Kum 60 chin chunglam mi 3 an awm a, naupang kum 14 hnuailam 2 an awm bawk. Nimin khan Covid-19 laboratory ZMC-ah sample 393 endik tura tih a ni a, result te hi zan lama chhuak hman tura beisei a ni. Sample-te hi December 19 leh 20 a lak te an ni.

Containment zone
199 Bn. BSF sipai mi 450 te chu 2020 December 19 khan Bairabi Railway Station-ah thlengin Lunglei an pan dawn a. Mipuite him tlan theih nan ‘The Mizoram Epidemic Diseases (COVID-19) Regulation 2020’ Clause 11 (1) leh ‘Disaster Management Act 2005’ in thuneihna a pek angin Kolasib district magistrate chuan thupek a chhuah. Bairabi Railway Station chu containment zone-ah puan a ni a. Containment area hian Bairabi Railway Station compound/ area a huam ang. Containment zone chhungah mihring leh lirthei eng chi mah phalna neilo chuan kal phal a ni loa, he thupek hi December 19-23 thleng hman tur a ni. Thupek hian district magistrate-in a hmun tlawh tura phalna a pekte a huam loa, thupek zawm lo chu an chungah dan anga action lak a ni ang.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy