Daily Newspaper

CHANCHIN TAWI

7

7 chhuak
September 15 khan Covid-19 kai vanga enkawlna hmun – CCC/DCHC hrang hranga dah, dam tawh mi pasarih chu chhuahtir an ni. Heng mite hi Beraw CCC Aizawl ami 4, Kolasib CCC ami 2 leh Chhiahtlang CCC ami 1 an ni.

ACBOA-in phut
Aizawl City Bus Owners’ Association (ACBOA) chuan thuchhuah siamin, Cachar Driver Association intiten September 12-a Lailapur-a Mizo tanker driver-te kut thlaka an lirthei tihchhiatsaktute chu hrem an phut tih an sawi. ‘Covid-19 leng kara Mizoram mamawh phurluttu, hmatawnga hnathawk mekten hnamdang kut an tuar hi pawi kan tiin, hetiang thil hi thleng nawn tawh lo se kan duh a. Pawikhawihtute hi a rang thei ang bera an phu tawk hremna pe tura chak taka hma la turin sawrkar thuneitute kan phut a ni,’ a ti.

Intum tur
Mizoram sawrkar hriattirna dinglai angin Aizawl district chhunga PSUs, companies, consultant firms leh adt. bakah hmasawnna ruhrel hna thawktu, state pawn atanga worker/labourer chahchhuak turte chuan an mi rawihte quarantine-na hmun tur anmahni puala an enkawl vek nei turin Aizawl district bawrhsap chuan hriattirna a siam. Hei hi sawrkar quarantine center indaihlohna avanga hnathawktute chawkluh a khaihlak loh nana ruahman a ni.

MLA-in pui
Aizawl South-II MLA Lalchhuanthanga chuan a bial chhung veng hrang hrang local level task force-ah puihna a sem a. Venghnuai LLTF kutah buhfai bag 5, tel box 8 leh alu bag 1, hand sanitizer litre 5; Salem Vengah Rs. 10000 leh buhfai bag 8 bakah ITI leh Bethel Vengah thingpui lumna tur sumfai a hlan.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy