Daily Newspaper

CHANCHIN TAWI

8

Lalut dawn
Aizawl Municipal Corporation term kal meka executive council pali neih theihah pathum ruat thar niin September 21 hian Aizawl district bawrhsap chuan a lalut ang.

21 chhuak
September 18 khan Covid-19 kai, enkawlna CCC/DCHC hrang hranga awm, dam tawhte chu chhuahtir an ni a, an vaiin mi 21 an ni. DCHC Hnahthial ami 2, Tribal Art Centre CCC ami 2, SRHF-ZMC 5, Lengpui AYUSH Hospital CCC 2, SIRD Hostel Kolasib 2, Thenzawl AYUSH Hospital CCC 1 leh Nursing School CCC Serchhip ami 10 te an ni.

Duty tlawh
ZPM Thalai Hqrs. president Malsawmzuala chuan nimin khan Aizawl South-II bial chhunga veng hrang hrang local task force-te a tlawhkual a, puihna sumfai a hlan nghal. Aizawl South-II biala Covid-19 kai an thahnem deuh avanga harsatna tawk an awm nual a, an veng dinhmun hriatchian lehzual theih nan ZPM Thalai president hian a tlawh a ni. Venghnuai, Salem Veng, Mualpui leh ITI te tlawhin task force hnenah Rs. 5000 theuh a hlan a ni.

ZMC-ah 85
Zoram Medical College-ah Covid-19 kai enkawl mi 85 an awm mek a, nimin khan hri kai mi pahnih leh kai rinhlelh mi pahnih admit thar an ni. ICU-a pakhat awmin a dinhmunin that lam emaw zual lam emaw a pan loa, Isolation Ward leh SICU-a awmten harsatna liantham an nei lo tih an sawi.

Inentir
Rastriya Poshan Maah (National Nutrition Month) neih mek denchhenin Mamit district-a Zawlnuam ICDS Project leh Health & Family Welfare Department tangdun buatsaihin nimin khan a thlawna inentirna hun siam a ni a, naupang san zawng leh rih zawng teh atanga buk zang leh kum leh rih zawng teha buk zangte dinhmun tha lo endik sak a ni. Bungthuam, Mualthuam, Kawrthah, Borai, W.Bunghmun, Damdiai, Hriphaw atangte in naupang 11 endik an ni. Zawlnuam PHC hian Vitamin B Complex leh Calcium a thlawnin an pe a, nutrition supplement leina tur sumfai pek an ni bawk.

PRISM-in lawmthu sawi
PRISM party chuan thuchhuah siamin hrileng do kawngah sorkar leh thawktute chungah lawmthu an sawi a, “Sorkar leh thawktu zawng zawngte hmalaknaah lawmthu kan sawi tak meuh meuh a ni,” an ti. Chutih rual chuan politics-a inchirhthehna lo awm leh \hin chu pawi an tih thu an sawi a, ZMC-a thawkte tibuai zawnga insawipui awm lo se an duh thu an sawi bawk.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy