Chapchar Kut exhibition nei tan
Kumin Chapchar Kut lawmna puala Lammual Tlang-a buatsaih ‘Handloom, Textiles & Handicrafts Exhibition and Food Processing and Food Court’ chu Thawhtanni khan Commerce & Industries minister F Rodingliana’n a hawng.
Chief minister kaihhruaia din Chapchar Kut 2026 Organizing Committee chuan Chapchar Kut lawmna atan Commerce & Industries Department chu he exhibition hi buatsaih turin a ti a. March 9-13 chhung neih tur niin, handloom & textiles-ah stall 68, handicrafts -ah stall 15, food processing-ah stall 12 bakah food court stall 35 a awm a ni.
Heng bakah hian PM Viswakarma Scheme hnuaia thil siam chhuah phona atan stall pakhat pek a ni a, Shakti Sadan tan stall pakhat bawk pek a ni.
Handloom Exhibition bik atan hian sawrkar laipui Ministry of Textiles development commissioner (Handloom) atangin Handloom Marketing Assistance hnuaiah sum hmuh niin, food processing ho tan erawh MSME hnuaiah stall sak sak an ni.
2025 Chapachar Kut Handloom Exhibition-ah khan cheng nuai 128.00 hralh chhuah a ni a, kumin hian hmunhma ten a zir zawk avangin kum hmasa aia tam hralh chhuah an inbeisei a ni.
Chapchar Kut exhibition nei tan
