2023 Chapchar Kut souvenir – ‘Nghilhloh Bu’ chu Thawhlehni khan chief minister Zoramthanga chuan a tlangzarh.
Chief minister chuan Mizo hnamin Kut kan neih zingah Chapchar Kut chu a langsar ber leh hnam ziarang kan phochhuahna tha tak, state pawn leh ram pawn thleng ami pawhin an ngaihsak a ni tih a sawi a. Kan unau Myanmar, Bangladesh leh ramdanga awmte pawhin min hlutpuiin, hmang tura an rawn kal thin chu lawmawm a tih thu a sawi. Chief minister chuan hun kal zelah culture pawh zawi zawiin a inthlakdanglam hret hret a, chutiang chuan Kut kan lawm dan pawh a tha zawngin, hmasawn zawngin a danglam zel tih a sawi a. Kut nuam leh hlimawm tak hman chhoh zel a la nih a beisei tih a sawi a ni.
Chapchar Kut Post Souvenir-ah hian thuziak 13 (Mizo leh Sap tawng) bakah report leh Kut hmanna thlalak hrang hrang dah a ni a. Souvenir tlangzarh hnu hian kumina Chapchar Kut lawm dan thlirlet a ni.
Chapchar Kut souvenir tichhuak
![](https://theaizawlpost.org/wp-content/uploads/2023/05/chap.jpg)