Daily Newspaper

Chawlhkar khat chhunga hriatchhuah zat tam

17

Kar khat chhungin hri vei hriatchhuah tam ber ni vawi thum Chawlhkar liam ta, July ni 18 atanga ni 24 chhung khan Mizoramah Covid-19 natna vei mi 5000 dawn hriatchhuah an awm a, chawlhkar khat chhunga hriatchhuat zat hi a sang hle. Ni sarih chhung khan hri vei hriatchhuah tam ber ni vawi thum a thleng bawk.

Chawlhkar liam taa hri vei hriatchhuah zat kha 4930 a ni a, kumin May, June leh July tih loh thla dang zawnga thla tluana hriatchhuah zat aiin hei hi a tam.

Hrileng thawh hnihna tir lam April-ah khan mi 1655 hriatchhuah an ni a, a hun lai khan hei hi hriatchhuah tam ber thla a ni. Mahse July ni 18-24 chhunga hriatchhuah zat aiin a tlem. Chawlhkar khat chhunga hriatchhuah zat hi 3275-in a tam zawk.

Khami chawlhkarah khan hri vei hriatchhuah tam ber ni vawi thum a thleng: July ni 19-ah mi 807 hriatchhuah an ni a, hei hi hriatchhuah tam ber ni a ni. July ni 22-ah aia tam, mi 847 hriatchhuah an ni a, ni 24-ah mi 938 hriatchhuah an ni leh.
July ni 24 hian mipa 2471 leh hmeichhia 2148, an vaiin mi 4619 endik an ni a, an zinga 20.30%-in hri an lo kai.
Hri kai hriat thar mi 938-ah hian a lanchhuahna natna (symptom) vei mi 384 an awm a, chutiang nei lo mi 552 leh report loh mi pahnih an awm.

Hriatchhuah tharte zingah mi 364 chu ZMC laboratory hmanga hriatchhuah an ni a, BSF, Vaitin, Vairengte, Reiek leh Rengtekawn mi pakhat theuh an awm. Mi dang zawng chu Aizawl khawpui chhunga mi an ni.
TrueNAT hmangin mi 40 hriatchhuah an ni a, Champhai District mi 20, Lunglei District mi 11, Lawngtlai District mi paruk, Siaha District mi pahnih, Mamit District mi pakhat an ni.

A tam ber chu Rapid Antigen Test (RAgT) hmanga hriatchhuah an ni a, a tam ber chu Aizawl District mi an ni.

RAgT hmanga hriatchhuah hi mi 534 an ni a, Aizawl District mi 279 an awm. ZMC laboratory-a RT-PCR hmanga hriatchhuahte ang bawkin, Aizawl District-ah hian a tam ber chu Aizawl khawpuia mi an ni a, Sairang Sihhmui (13), Seling (7), Sakawrdai (3) tih loh chu Aizawl khawpui chhunga mi an ni.

RAgT hmanga hriatchhuahah hian Kolasib District mi 103, Mamit District mi 53, Lunglei District mi 41, Lawngtlai District mi 21, Serchhip District mi 16, Champhai District mi 12, Siaha District mi pariat leh Saitual District mi pakhat an awm.

Sawi tawh angin July ni 24-a endik hi mi 4619 an ni a, an zinga 20.30% te’n hri an kai. Endik zat atanga chhuta hri kai an tam ber ni chu June ni 20 kha a ni a, mi 1877 endik niin, an zinga 35.26% te’n hri an kai.

July ni 24-a hriatchhuah tarlanah hian endik runpui (mass testing) neihnaa hriatchhuahte an tel lo a, thuneitute chuan endik runpui-a mite hi a hma atangin an telh nghal loh thin thu, tihfel ngai leh ennawn ngai te a awm thin avangin telh nghal a nih loh thu an sawi. Chu chu hmun danga an tih dan pawh a ni an ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy