Daily Newspaper

Chawlhni thleng inkharkhip dawn

8

Hrileng do nana Aizawl khawpui inkharkhip mek hi Ningani zan dar 11.59 thleng atana tih a ni a, Chawlhni zan dar 11.59 thleng atan pawhsei a ni.

Ningani khan health minister Dr R Lalthangliana, home minister Lalchamliana, information minister Lalruatkima, medical operational team on Covid-19 leader Dr ZR Thiamsanga, chief secretary Lalnunmawia Chuaungo, sorkar mi pawimawh dangte leh Central YMA hruaitute leh Mizoram Kohhran Hruaitute Committee te’n inkharkhip chungchang hi an ngaihtuah a, pawhsei an rel a ni.

“Vawiin thukhawm chuan partial lockdown neih chhunga thil awm dante uluk takin an thlirho a, contact tracing, sample collection leh sample test report te an ngaithlak hnu-ah ngawrh lehzuala hmalak chhunzawm a nih a, heng thil tih tur tul zawng zawngte felfai taka zawhfel a nih theih nan Aizawl Municipal Area huamchhunga partial lockdown hman mek chu Pathianni zan (September ni 20,2020) zanlai dar 11:59 thleng pawhsei an rel a ni,” tiin Ningani khan Mizoram sorkar chuan thuchhuah a siam.

“Partial Lockdown pawhsei chhung hian contact tracing, sample collecting leh sample lak sa la test hman loh te chinfel hman vek tum a ni,” thuchhuah chuan a ti.

Partial lockdown kal lai an thlir a, AMC huam chhungah sample 13,812 lak a nih thu te, ZMC laboratory-ah Nilaini zan thleng khan 5751 en a nih thu te, RAgT 84 tih a nih thu te, Nilaini thleng khan AMC huam chhungah Covid-19 natna vei hriatchhuah zat 125 a nih thu te an sawi.

RT-PCR khawl pathum hman a nih thu leh heta tan hian Rs 1,81,72,108 sen a nih tawh thu an sawi bawk.

Health minister chuan June ni 12 atangin Lunglei-ah TrueNAT khawl hman tan a nih thu a sawi a, chief minister rawtnain district tinah TrueNAT khawl hman tum a nih thu, TrueNAT Quattro 10 lei a nih thu te, August ni 6 atangin Rapid Antigen Test pawh tih a nih thu te a sawi.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy