Chelsea lama kir tum tawh lo Ancelotti
Real Madrid head coach Carlo Ancelotti chuan manager an ban tak hmunruak lo luah lailawk tura Chelsea-in an sengluh Frank Lam-pard a thlawp thu sawi chungin Stamford Brid-ge-a kirleh tumna a nei lo tih nizan Champions League quarter-final first leg result tarlan hman loha team pahnih intum hma lawkin a sawi.
Italian coach hi Eng-lish Premier League club-a kirleh turin sawirik a ni mek a, mahse, Santiago Bernabeu-a a player hlui Lampard hoa inlan tur Chelsea an mikhual hma lawkin Ancelotti hian kum 2009-10 daih tawha Premier League leh FA Cup a lakpui tawh Blues manager ni leh turin England pan a tum lo tih a sawichiang.
Kumin January thla khan player thar seng-luhna’n pound maktaduai 300 (USD 373) tehreng sengral mah se Chelsea hi an chechhe tluang rei tawh hle a, Premier League table lamah pawh 11-na ni daih tawhin, FA Cup leh League Cup atangin an tla fel tawh bawk.
Season kal laia an title beisei neihchhun chu Champions League hi a ni tlawng tawh!
He boruakah hian Thawhtanni khan An-celotti chuan English club hun tawn mek chungchangah a ka a ang a, table-a an din-hmun a thlir a, “Min ti-lungngai ngawt mai. He club-ah hian hriat-rengna duhawm tak ka nei a, he hmuna hna thawk mekte nen hian inzawmna tha tak kan siam a, kum hnih lai ka khawsakna mual a nih avangin Chelsea su-pporter ka ni,” ti zet chungin kirleh tumna erawh a sawibo thung.
“Coach hna thawk turin ka kirleh ang maw? Ni lo e, Lampard hian a chetthatpui theih ngei ka beisei. Kum hnih lai chhunga ka hnuaia khel ve tawh Lampard hi player ropui a ni. Uefa Champions League game khelh dan a hre-thiam vek tawh a, a team buatsaih dan tur pawh a haihchham dawn lo a, karkhat lai team-ah a inchiah leh hman tawh a, Chelsea-a a khelh lai ang bawk khan coach hnaah pawh he team tan hian a chetha ang,” tiin nizana an inhmachhawn tur chungchangah a club hlui leh a player hlui chung-chang a sawi.
Chelsea lama kir tum tawh lo Ancelotti
![](https://theaizawlpost.org/wp-content/uploads/2023/04/chel.jpg)