Daily Newspaper

Chelsea leh Leicester City an tlawm

7

Nilai zana English Premier League match ngaihven hlawh pahnihah top 4 huang luah mektu pahnih; Chelsea leh Leicester City te an tlawm. Blues leh Foxes an tlawm ve ve vang hian UCL khelh phak tuma inelna boruak a nung thar hle. Anni team hnih hian Manchester United leh Wolves tan hna \ha an thawk a, an elpui team tan nuih ver verna tur an siamsak.
3 chuang hak zanah goal thum chhuah
Chelsea chuan an London derby-a West Ham an hmachhawn \um hian an jersey thar sawisel hlawh tak an ha a. An kawr hmaa No. 3 chuang an hak hmasak ber \umin goal thum an chhuah nghal pang a, hun duhawm lo tak an tawng. An jersey thar hian ngainat a hlawh lo sa hle a, an tlawmpui nghal vangin ngainat a hlawh lo leh zual.
London derby hnuhnawm takah hian mikhual team Chelsea hian bul an \an \ha zawk a, goal thun hmasak zawkah an \ang. Minute 42-naah penalty an hlawhchhuah chuWillian chuan a pet goal a, hmahruaina goal a thun. Hmahruai chungin chawlhlawk an hmang dawn emaw an tih laiin goal an chhuah ta tlat thung. Minute 45+2-ah Tomas Soucek chuan goal thunin an si phurh a sut nawlh a, 1-1 a inhnehtawk chungin chawlhlawk an hmang.
Chawlhlawk hnu lamah erawh West Ham in bul an \an \ha zawk ve thung. Team talbuai, him hram tuma mawngkaw thah nena \an khawh mek Hammers tan hian Michail Antonio chuan hma an hruai letna goal a thun. Hnufual zawkah an \an hnuin Lampard-a team Chelsea in chak tumin thapui an thawh zui nasa a, an khingpuite an nawr nasa hle. Season tawp ruala Stamford Bridge chhuahsan tura ngaih Willian chuan player pawimawh a nihzia a lantir leh a, minute 72-naah an goal hnihna thunin, an si phurh a sut.
2-2 a an inhnehtawk hnuin team hnihte an fimkhur dun hle. Point khat ve ve hmu turin an inhnehtawk mai dawn emaw tih laiin hun tawp dawnah David Moyes-a team te an che fuh leh ta nge nge. Minute 89-naah Yarmolenko chuan hma an hruai nawn lehna goal a thun leh nawlh a, London-a an elpui lian Chelsea lakah hnehna an chanpui zui a, point thum hlutak an hlawhchhuak. Chelsea lakah si phur hmasa chunga hnehna an chan let hi tuilet hnu lamah vawithum chiah an la nei a ni.
Team lian Chelsea hneh a, point thum an hmuh hmang hian West Ham hian him lam an pan ve leh hret a, 16-naah an inhlangkai. Tlahniam thei dinhmuna ding mek Aston Villa aiin point 3 chauhin an sang zawk mek thung a, an dinhmun a hla him lo hle a, tlakhniam pumpelh turin match ruk la awm an chhawr \angkai hle a ngai dawn. West Ham hian St James Park-ah Newcastle United an hmachhawn zui leh dawn a. Chelsea hian 17-na luah mektu Watford an hmachhawn ve leh thung ang.
West Ham lakah an tlawm vangin Chelsea hian pathumnaa inhlankai theihna hun \ha tak an hloh a, champions league khel phak turin inelna hautak tak an hmachhawn zui a ngai dawn a, an hnuaia awm United leh Wolves nen an inkarah point hnih chiah a tla zep tawh. Hetih rual hian an chung chiaha awm Leicester City nen an inkarah point khat chiah a awm thung a, top 4 huang chhuahsan thei an nih laiin, top 3-a inhlangkai thei dinhmunah an ding tel tho bawk.
Foxes an tlawm
Nilaia EPL inkhel dangah season kal mekah rin phak baka che\ha a, pathumna luah mektu Leicester City chuan khualmualah Everton an hmachhawn a, minute 16 chhung leka goal hnih an chhuah an tlawmpui a. Derthawng takin top 4 huanga an la luah der der a, an dinhmun a him ta lo hle thung a, Chelsea, Wolves leh United ten an hnaih chilh hle tawh.
Everton hi Goodison Park-a an mikhual Leicester City lakah an che\ha hle. Minute 10-na lekah Richarlison chuan hmahruaina goal a thun nghal der. Richarlison goal thun a\anga minute nga hnu lekah Gylfi Sigurdsson chuan an goal hnihna a thun zui leh cheu bawk. Minute 16 chhung leka goal hnih an thun hi point thum hlawhchhuah nan an hmang zui ta bawk.
Pathumna luah nghet tura chak mamawh tak Leicester City game hi chawlhlawk hnu lamah a kang hret a, point hlawhchhuak tur khawpin an invawrh kang zo lo thung. Minute 51-naah Kelechi Iheanacho chuan goal thunin an si phurh a sut \hen a, goal dang an thun belh theih loh vangin hreh takin an tlawm a ngai ta thung.
An mualah tlawm nei lova khelh kaw chhung kaltluang tawh Everton hian inkhel hautak tak an hmachhawn zui leh a ngai dawn a, thawh\an zan khian khualmualah Tottenham Hotspurs an hmachawn dawn. Tottenham hi an hneh thei a nih chuan Toffees hian Europe a inlan phak an hnaih kuarh thung ang. Pathumna luah zui zel tura chak mamawh em em Leicester City hian Crystal Palace an mikhual ve thung ang.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy