Pathianni zana club friendly match-ah English club lian Chelsea leh Liverpool in hnehna an chang. London club lian Chelsea tan an forward thar Nkunku a khel tha chhunzawm zel a, Fulham lakah goal a thun zui leh.
Chelsea hian FedEx-Field, Landover, Maryland, USA-ah EPL a elpui Fulham an hma-chhawn a, si hnih faiin hnehna an chang. Blues tan hian minute 20-naah veteran defender Thiago Silva chuan Ben Chilwell siamsak a tauh lut a, hmahruaina goal a thun. Si phur zawkah tang mah se Fulham hian an khingpuite an nawr let hlei thei meuh lova, chance tha an insiam hleithei meuh lo. Chawlhlawk hma lawkin PB Leipzig atanga an lak Christopher Nkunku chuan an goal hnihna a thun zui leh. Chawlhlawk hmaa goal hnih lut bak hi hun tawp thlengin a luh belh thei tawh lova, Chelsea hian si hnih faiin hnehna an chang,
Blues tan an forward thar Christopher Nkunku a chetha chhunzawm zel a, a club thar tan goal thum a thun der tawh, Season liam taah RB Leipzig tan Bundesliga-ah khelh 25 atanga goal 16 zet thun Nkunku hi Chelsea hian £52m seng in an la lut a, season thar ah an chhawr tangkai zui viau tura ngaih a ni.
USA lamah Chelsea in hnehna an chan lai hian Singapore lamah Liverpool chuan EPL atanga tlahniam Leicester City chu 4-0 ngawtin an lo hneh ve bawk.
Liverpool tan hian Darwin Núñez chuan minute 30-naah hma hruaina goal a thun a. Chawlhlawk hmain Bobby Clark leh Diogo Jota (38′) ten goal dang an thun belh leh bawk a, si thum fai ngawta hma-hruai chungin chawlh-lawk an hmang.
Chawlhlawk hnu lamah Reds an khel tha chhunzawm leh a. Minute 64-naah Ben Doak chuan an goal thumna thunin a tawp a khar.
Chelsea leh Liverpool an chak
