Cheng vaibelchhe 2300 chuang puk tawh
Sorkar ding laiin cheng vaibelchhe 2320.26 a puk tawh thu House-ah sawi a ni.
Finance changtu Lalduhoma, chief minister-in East Tuipui bialtu Ramthanmawia zawhna, ziaka chhan chi chhangin sorkar ding laiin 2023 December ni 8 hnua sum a puk tawh zat hi House a hrilh a ni.
A chhannaa a lan danin, Mizoram sorkarin OMB (SGS)-ah cheng vaibelchhe 1171 a puk tawh a, NABARD atangin cheng vaibelchhe 253.49, NCDC-ah cheng vaibelchhe 0.98, EAP-ah cheng vaibelchhe 9.06, SASCI-ah cheng vaibelchhe 885.73 a puk tawh.
Siaha bialtu Dr K Beichhua zawhna chhangin chief minister hian sorkar kum lai lai 2024-25 chhungin kumin February ni 10 thlengin Mizoram sorkarin cheng vaibelchhe 1701.28 a puk tawh tih a sawi bawk.
Hetih lai hian Tuirial bialtu K Laldawngliana zawhna chhangin finance changtu hian 2023 December atanga 2025 January thlenga sum puk zat hi cheng vaibelchhe 2410.26 a nih thu a sawi.
Cheng vaibelchhe 2300 chuang puk tawh
