Daily Newspaper

Chennai Hoopers-in hula hoop record pali an siam

19

Guinness World Records official YouTube-ah Chennai Hoopers member ten world record category hrang hrang pali-ah an siam lai an tarlang a, record siamtute chu Chennai a cheng, naupang te te an ni.

Chennai Hoopers member zinga pali chuan a mimal ang theuhin record hi an siam a, RS Janai chuan kiu (elbow) leh kiu a hula hoop tivir chunga in-pass record siamin, minute khatah a kiu leh kiuah hula hoop chu tivir reng chungin vawi 24 a in-pass hman a, hei hi minute khatah kiu leh kiu a hula hoop in-pass hnem ber record a ni.

Tarun, kum 16 pawhin record siamin, ani hi chuan khup hmanga minute khat chhunga hula hoop tivir hnem record a siam ve thung a, hetiang hi minute khat chhungin a khupin hula hoop vawi 194 a tivir hman a ni.

Mipa naupang E Guru Prasath chuan a nghawng hmanga minute khat chhunga hula hoop tivir hnem record a siam ve thung a, minute khatah vawi 211 a tivir hman a, mipa naupang Lalith Anisshvar chuan a ban (arm) pakhata minute khat chhunga hula hoop tivir hnem record a siam ve thung a, vawi 220 a tivir hman a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy