Chetsualnaah pahnih thi
December 16 zan leh December 17 zing khan chetsualna avangin mi pahnih an thi.
Thawhlehni zing dar 1.00 vel khan Melthum Tawngtaina bulah Sangau maxi cab service chu kawngchhak tuiluankawrah a tang a, hemi hnuhchhuah tuma puitu V Lalruathlua (43) h/o H Lalrinsiami, Hmuntha Champhai district chu kawngthlangah tla palhin a thi.
Thudawn danin, V Lalruathlua hi a nupui fanaute bakah an khaw mi bazar duhte nen Krismas bazar pahin an pik up-in chawhmeh phurin Thawhtanni khan Aizawl an pan a, Khumtung – Muallungthu kawngah kalin Melthum bulah side drain-ah sumo tang chu pik up-in nawrchhuah a lo tum a, hemi pui tura a che chu a chesual palh a, a thlang khamah a petek thla ta nia sawi a ni.
Kulikawn Police bakah Aizawl District Disaster Management Authority, Central YMA-a Disaster Management Team nen buaipui nghalin, a tlakna hi metre 120 vel a ni a, a hnunah thi nghalin, Thawhlehni zing dar 6.00 velah a ruang hi lakchhuah a ni.
December 16 zan dar 7.00 vel khan David Khuala (31), Zuangtui Veng chu city bus-in Thuampuiah a chilhlum. Thudawn danin, bus atanga a chhuk chu chesualin bus hian a chil zui a, a hmunah ka pawh chhawn lohin a thi.
Chetsualnaah pahnih thi
