Ngaihzawng thar neiha han in text vel chu a nuam viau maithei, mahse, fimkhur a ngai a nia. Chutianga mi thar tawng tana texting rules tlema zawng kan rawn tarlang e.
1. Ruih laia dial a fuh lo ang bawkin SMS thawn pawh a fuh chuang lo. A fuh lo zawk hial maithei. I thu chhut tur kha i control thei lova, a tuk zinga i zah chem chemna tur thu te kha i lo text hlauh chuan a pawi fu ang.
2. Text chhan let loh hi a tihchi loh khawp mai. Dawng lo niawm taka awm te hi tih loh tawp chi. I duh lo a nih chuan hrilh tlang law law mai rawh.
3. Thil tul lem lo text ching suh. ‘Chutah chuan ka kal lawk’, ‘Chumi/khami chu ka en mek’ tih vel mai mai text a tul lo. I text atangin i fing vak lo tih a man thiam phei chuan, chuti hlauh chu a ni mai.
4. |awngkam bung deuh deuha text ching suh, chutiang tih ching aia mi ngeiawm an tam lo.
5. SMS atanga thenna thu thawn chin loh tur. Chu chu nungchang mawi lo tak a ni a, a dawihzep thil tih khawp mai. Inthen dawn pawhin hmaichhanah ngei inhrilh ngam tur a ni.
Chhas thar neite tana texting rules
