Chhattisgarh-a Bastar bialah inrinni khan Naxalite hel laka beihpui thlak niin, hel pawl zinga panga kahhlum an ni a, sipai lam pahnihin hliam an tuar bawk.
Inrinni zing dar 8 vel khan Narayanpur leh Kanker district ramri bul Abujhmad hmar lam ramngawah inkahna hi thlengin, he beihpui thlaknaah hian Border Security Force (BSF), District Reserve Guard (DRG) leh Special Task Force (STF) te tanghoin hel laka beihpui hi an thlak a ni.
Report a sawi a nih danin he beihpui thlaknaah hian Naxalite hel panga kahhlum an nih bakah, an ralthuam dahkhawmna hmun thenkhat hmuhchhuah a ni a, beihpui hi la thlak chhunzawm mek a ni bawk.
Hel ho hian sipai lam pahnih kahhliam an neih ve avangin Raipur lamah enkawl tura phurh nghal an ni a, an dinhmun erawh a tha nia sawi a ni.
He lai bialah hian kumin chhung ringawt pawhin inbeihna hi a thleng tam tawh hle a, sipaite chuan Naxalite hel 197 an kahhlum tawh thu an sawi.
Chhattisgarh-ah Naxalite hel panga kaphlum
