Daily Newspaper

Chhattisgarh-in Pegasus-te chhui chian tum

18

Chhattisgarh Chief Minister Bhupesh Baghel chuan Israeli tech firm NSO te Pegasus software siam tute chuan BJP ten an state-a rorelna an chan laiin an state an tlawh thu a sawi.

Raipur-a chanchinthar lakhawm tute a kawmnaah NSO ten State-ah tute nge an hmuh leh khatihlaia BJP sorkar nena inremna an siamte chhui chiang tur committee an din tur thu a sawi bawk.

“Raman Singh (CM hlui) an eng inremna nge an siam leh tute nge an hmuh a sawifiah a ngai dawn” tiin a sawi.

Kum 2019 daih tawh khan WhatsApp te chuan Dalit rights lawyer leh activists thahnem takte chu an phone-ah Pegasus a awm thu a lo hrilh tawh a. Member pathum Principal Secretary (Home), Raipur IG leh Secretary, Department of Public Relations te telna committee dinin heng mi tena an chhui chianna hi thehluh a la ni lo.

Chhattisgarh chu India ram state zinga Pegasus software investigation nei hmasa ber a ni dawn ta a. He spyware hmang hian Indian khua leh tui 300 chuangte chu enthlak an nia sawi a ni.

India sorkar chuan engmah inrawlhna a neih loh thu a sawi chungin mahse Pegasus a hmang ve em tih pawh engmah sawi chianna a nei chuang lo bawk a. Opposition te atangin sorkar demna a nasa hle a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy