Daily Newspaper

Chhiah awl ruk thuah Shakira chungthu an rel dawn

7

Colombian singer, Spain-a pasal neia inbengbel ta Shakira chu chhiah awl ruk chungchanga a chhuitu judge chuan he case-ah hian evidence tha tawk a awm ni a ngaiin, Shakira chungchang hi rel zui turin thutlukna a siam ta.

Judge Marco Juberias chuan kum thum chhung Shakira case hi a chhui zui hnuah dan bawhchhiatna a awm ngei tih finfiahna tha tawk a awm niin a ngai a, chuvangin he case hi court-a trial neih zui turin a ti ta a ni. Mahse, he judge thutlukna hi court sang zawkah appeal leh theih a ni.

Sorkar ukil-te chuan Shakira hi December 2019 khan Spain sorkar-a a chhiah chawi tur euro maktaduai 16.4 chu pe lon a awl ru niin an puh a, a chhiah awl ruk hi kum 2012 leh 2014 inkar ami niin an tarlang bawk. Sorkar ukil te chuan Shakira hian hetih lai hian Panama chu a official residence angin a tarlang nain, a hun tam zawk chu Spain-ah a hmang niin an puh bawk a ni.

Shakira, kum 44, hian he puhnaah hian thiam lohna a nei lo niin a sawi a, a ukil-te chuan a chhiah chawi tur ang ang chu a hun tak a pe tla vek a, chhiah khawntu lamin an hriattir ang chu a pe tla vek niin tan an khawh ve thung.

He case-ah hian Shakira hi thiam loh chantir a nih chuan pawisa tam tak chawi bakah jail tan thlenga hrem theih a ni dawn a, mahse, chhiah awl ruk thubuai neih vawi khatnaah chuan kum hnih aia rei lo jail tang tura an chungthu rel te judge-in jail tan tur hi a paih sak thei bawk a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy