Mission Foundation Movement chuan Hlimena Cyclone Remal-in in leh lo a tihchhiat chhungkua 21 chu Relief Camp-a in sakna atan Nilaini khan bungrua leh ei tur an pe a. Adviser to chief minister TBC Lalvenchhunga leh AMC Ward.19 corporator Dr C Malsawmtluangi ten an telpui.
He relief fund hi North Eastern Development Finance Corporation Ltd (NEDFi) in an CSR fund, MFM kaltlanga an pek a ni a. Shuttering board 142, rangva bundle 90 leh bungraw dang bakah eitur – buhfai bag 40, dal bag 40, alu bag 40 leh thildang a mamawhtu chhungkuate tan an hlan.
Adviser to CM chuan MFM-in mipui mamawh phuhru tura hma an lakna chu lawmawm a tih thu a sawi a. Tangkai leh mumal zawka corporate social responsibility fund hman dan tir sawrkarin ngaihtuahin ruahmanna a siam chho mek tih a sawi a ni.
Hlimen Relief Committee leh khawtlang hruaituten an lo dawngsawng a ni.
Chhiat tawkte tan puihna hlan
