Tunlaia ruahtui tlak tam kaihhnawiha chhiatna thleng chu a theih ang anga buaipui zel an tum tih Disaster Management & Rehabilitation minister K Sapdanga chuan a sawi.
Aizawl North-III bialtu MLA K Sapdanga hian Ningani khan a bial chhung Electric Hebron leh Zarkawta leiminna hmun a tlawh a, khawtlang hruaituten an lo dawngsawng a ni.
May thla tawp lam atangin Mizoramin Cylone Remal a tuar a, Aizawl leh Mizoram hmun hrang hrangah chhiatna namen lo kan tuar a, mahni bial bik pawh duh anga ngaihven hman loin an awm a, bial mipui beisei ang leh amah pawhin a duh angin mahni bial a ngaihsak bik hleithei lo chu hrehawm a tih thu a sawi.
“Chhiatna thlengte a theih ang angin buaipui zel kan tum a, sum indaih lohna nasa tak karah pawh a theih ang anga hma la turin kan inbuatsaih zel a ni” DM&R minister hian a ti.
Chhiatna thlengte a theih angin buaipui zel kan tum – DM&R minister
