Thli leh rialin chenna in a tihchhiat avanga Mizoram hmun hrang hranga harsatna tawk an awm chu pawi an ti a. Sawrkarin harsatna tawkte tana cheng nuai 450 a ruahman nghal chu lawmawm an tih thu ZPM Thalai chuan an sawi.
ZPM Thalai Hqrs. thuchhuak chuan, March 31 – April 2 chhunga thli tleh leh rial tlain Mizoram hmun hrang hranga harsatna a thlen avanga chenna in chhia bakah luah zui tlak loh a awm chu pawi a tiin harsatna tawkte a tawrhpui tih a sawi.
Chenna in chhiate chhawmdawl an nih thuai theihna’na Disaster Management & Rehabilitation minister Pu K Sapdanga’n hma a la nghal leh a thawhpuiten chak taka an bawhzui chu lawmawm a tih thu sawiin, khuarel chhiatna in a tihbuai harsatna tawk mekte tana sawrkar chet lak dan chuan mipui thla a timuang takzet tih a sawi a ni.
Chhiatna tuarte tawrhpui
