August 15, Thawh-lehni khan I-Day Football tourmanent final khelh a ni a. Inkhel hmuhnawm takah Chhinga Veng FC chuan Aizawl FC chu penalty shootout-ah 3-2 in an hneh a, an champion.
Final hmuhnawm takah hian Aizawl FC in an khel tha a, goal thun hmasa zawkah tangin, si hnih faiin hma an hruai hman hial. Chawlhlawk dawn hnaih minute 45+1-ah Lalrinzuala chuan hmahruaina goal a thun a, si khat faia hmahruai chungin chawlhlawk an hmang.
Chawlhlawk hnu lamah pawh AFC an khel tha chhunzawm a, goal thun hmasa zawkah an tang leh. Minute 53-naah K Lalrinfela chuan an goal hnihna a thun a, an hmahruaina a tizau. Goal hnih an chhuah hnu lawkah Suanngaihmuana chuan minute 54-naah goal thunin an si phurh a sut then a. He goal hmang hian chak theih beiseina an nei thar. An si phurh sut zawh tumin tan khawh zui viau mah se hun pangngaiah goal an thun thei lova, hun pek belhah pawh goal an thun mai theih loh vangin Aizawl FC an champion hman teuh hle.
Minute 90+3 thlenga hma an hruai vangin Aizawl FC hi champion tura ngaih an ni hman a, mah se thil danglam a thleng ta tlat thung. Minute 90+4-ah Lalnun-zira chuan goal thunin Chhinga Veng FC si phurh a sut zo ta nge nge a, 2-2 in hun pangngai a tawp ta.
Mak leh ropui taka an si phurh su zo Chhinga Veng FC hi penalty shootout-ah an vannei chhunzawm a, 3-2 hneh na changin an champion zui ta a ni.
I-Day puala veteran inelnaah G90’s chuan final-a an khingpui 2K Generation chu 4-2 in an hneh a, an champion. G90’s tan hian Hming-thansanga Zadeng in goal hnih a thun.
Chhinga Veng an champion
