‘chhip ruak’ tur ven nana chaw tha
Kum a lo tam a, chal a lo thui a, chhip a lo ruak tan a. Sam tlak nasatna lai thup dan kan zawng a, thenkhat chuan pawisa tam tak sengin treatment te an la thin. Khaile, tun tumah hian sam tla nasa tur ven nan chaw tha ni a Times of India health section-in a sawi te kan rawn tarlang a, mi thenkhatah chuan ‘chhip ruak’ tawhte pawh eng emaw chen a siam tha leh thei niin an sawi.
1. Artui leh bawnghnute lam chi: Biotin (Vitamin B7) hi sam tana chaw tha, sam ti thang chaktu a ni. Artui leh bawnghnute bakah bawnghnute atanga thilsiam hrang hrang te hian biotin an pai hnem hle a, biotin chu nutrient pawimawh, sam ti thangtu a ni a, hei bakah hian protein, vitamin B12, iron, zinc leh omega 6 fatty acids te pawh a sam tan a pawimawh a, chung chu artui leh bawnghnuteah a awm.
2. Oats: Oats chu kan ngaisang vak lo a ni mai thei, mahse, hei hi sam tana chaw tha tak a ni tlat. Fibre, zinc, omega-6 fatty acid leh polyunsaturated fatty acid (PUFAs) a pai hnem a, hei bakah hian vitamin B pawh a pai nual a, chung chu sam ti thang duhtu vek an ni. Oats-ah hian beta glucan a awm bawk a, chu chu sam tichaktu a ni bawk.
3. Almond: Almond hian biotin a pai hnem hle a, chubakah sam hrisel nan leh than nana pawimawh magnesium a pai hnem bawk. Regular taka almond ei chuan sam a ti tamin, a tihrisel a, a tithang chak bawk.
4. Khawkherh: Omega fatty acid leh vitamin B7 (biotin) a pai hnem a, chu chu sam tla tur vengtu leh sam tichaktu a ni a, sam ti to thar lehtu a ni bawk. Sam tla nasa te tana ei tam chi tak a ni.
5. Strawberry: Strawberry hian silica a pai hnem hle a, chu chu sam than nana mineral pawimawh tak a ni. Hei bakah hian ellagic acid a pai a, chu chu sam tla tur vengtu tha tak a ni bawk.
‘Chhip ruak’ tur ven nana chaw \ha
