Daily Newspaper

Chhuanthar Tlangnuamah hri kai hmuhchhuah 95 tling

26

Ni 7 kalta chhunga Covid-19 kai hmuhchhuah an tam deuh avangin Baktawng ram Chhuanthar Tlangnuamah Zirtawpni khan sample endik runpui neih a ni a. Zan dar 8.00 thleng khan sample 1398 endik atangin hri kai hmuhchhuah 95 an awm tawh.

The Aizawl Post-a tarlan tawh angin, mi 2400 chen mekna Chhuanthar Tlangnuam hi furniture siam leh bel chhunga eizawnna hmunpui niin, Aizawl leh a chhehvel hmun dangah te an thilsiam hi lei leh hralhchhuah thin a ni a. Covid-19 leng mek karah an venga hri a luh lohna turin bungrua an siam la leh dah turte chu Covid lakah an him tih finfiah nei turin an phut thin a, hemi ang hian bungraw dahtu lirthei vuantute chu a khat tawkin an inendik reng thin a ni.

July 15 khan Chhuanthar mi pathum Aizawl Vanapa Hall Mega Kiosk leh Trinity Hospital-ah Rapid Antigen Test negative certificate mamawh avanga inendik tirte chu hri an kai tih hmuhchhuah a ni ta a. Hri kai hmuhchhuahte hnaih deuh ho chu July 16 khan Baktawngah RT-PCR test neiin, hemi rual hian Chhuanthar khua atangin Covid symptom nei mi 18 chu RAgT neih nghal a ni a, an zinga 16 chuan hri ak kai tih hmuhchhuah niin, SIRD 4C Thingsulthliah-ah dah an ni.

July 17-ah Thingsulthliah CHC leh Chhuanthar VLTF inbe rawnin hri kai hmuhchhuahte nena intawk hnai deuhte sample endik chhunzawm a ni a, RAgT hmanga 88 endiknaah 24 chuan hri an kai tih hmuhchhuah a ni. July 18-ah symptom nei mi pakhat chu RAgT a endik leh niin, a result a negative thung.

July 19-ah hri kai hmuhchhuah tawhte chenpui atangin symptom nei mi 4 an awm thu report a awm a, Thingsulthliah PHC-ah RAgT neih a ni a, an vaiin an positive a ni. July 20-ah Chhuantharah symptom nei leh positive contact 188 chu RAgT hmanga endik leh niin, positive 62 hmuhchhuah an ni.

Health minister Dr R Lalthangliana leh helai bialtu MLA, deputy speaker Er. Lalrinawma te ruahmanna in July 23 khan endik runpui neih a ni a, tlai 5.50 thlenga hriat theih chinah hri kai hmuhchhua hi 91 an tling tawh. Endik hna hi chhunzawm zel a ni a, kawlphetha khaihlak vangin an chhunzawm mai thei loa, nizan dar 7:00 pelh hnu khan an chhunzawm leh thei chauh avangin chanchin kimchang hriat theih a ni rih lo.

Health department chuan nimin khan Aizawlah pawh endik runpui hi a neih chhunzawm a. Bawngkawn, ITI Veng, Venghlui, bakah Chhuanthar Tlangnuamah te neih a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy