Daily Newspaper

Chhungpuinu Pironkova mumang ngaihnawm zel

18

Kum 2018 March thlaah fapa a hring a, kum thum zet a chawlh hnuah kumin March thla khan inelna a hmachhawn leh tur thu Bulgarian nuchang Tsvetana Pironkova chuan a puang a, mahse, hripuiin a nangching a, a tum anga a kirleh mai theih loh hnuah a vawikhatna atan New York khaw tourna-ment khelh m>kah hian intihsiakna hma-chhawn turin a kir leh thei ta hram a, a kirlehna tournament lah chu grand slam tour-nament a ni fuh ber kher a, hmeichhe singles last 16 luh inbeisei pha chunga United States thl^wklut a ni lo mai thei a, mahse, Inrinni khan a thiam zual 16 zingah a tel pha tlat si!

Kum 32 mi Pironkova hian 10th seed Garbine Muguruza a barakhaih hnuah ‘upset’ dang thlennawntir lehin, 18th seed Donna Vekic lakah 6-4 6-1 hnehna a sualchhuak leh ta mai a, Flushing Meadows-ah mumang nuam a chen kal m>k!

2010 Wimbledon semi-finalist Pironkova hian grass-court specialist tia hriat a lo hlawh ve tawh thin a, US Open khelhna mual erawh grass a ni lo chiang a, mahse, Flushing Meadows-ah pawh kum thum chawl tawh a nih hriat miah lohin a inlan kal tluang m>k a, France player Alize Cornet nen round sang zawh luh an inchuh leh ang.

Cornet hian last 16 luh inchuh match dangah American player Madison Keys a hmachhawn a, 7-6 (7-4) 3-2-a hm^ a hruai m>k laiin nghawng n^ avangin Keys hi a inhn<kdawk a, hahdam zawkin French player hi a tlang ta a ni.

Pironkova lamah kirleh ila, kum 2017 Wimbledon-ah khan world number 131-na niin a inlan a, a chawl ta vang vang a, mahse, WTA ranking protection rules tharah nauneih chawlh siamsak niin, tournament an hmachhawn leh hmasak 12-ah nau neih chawlh an l^k laia an ranking kha rin phalsak an ni a, Bulgarian nu pawh hian ranking-a 131-na ni chungin US Open a khel thei ta a ni.

Tsvetana Pironkova hi singles draw-a chhungkaw nu ni tawh inlan pakua zinga pakhat niin, nu ve bawk Serena Williams pawhin New York tournament kal laia nuhoin hnehna an chang chu lawmawm a tih thu a sawi nghe nghe.

Inrinni inkhel dangah Stephens laka Serena chak lai kha a fanu Olympia chuan a hmunah a thlir nghe nghe a, a hnuah nu ni chunga inlan ve bawk Pironkova a chak ve leh a, Williams chuan, “He event-a nu tamtak kan inlan avangin ka hlim takzet a, a chhan pawh kei hi nu ka nih ve tho vang a ni. Nute zahna thar ka nei tawh,” a ti.

Nuho zinga last 16 lut zingah Victoria Azarenka pawh telin, Inrinni khan Polish rawlthar kum 19 mi Iga Swiatek chu 6-4 6-2-in a hneh.

US Open inbuatsaihna Western and Southern Open-ah khan kum 31 mi Belarusian Azarenka kha a champion a, final a lo thlen ve tawhna New York tournament kal m>kah hian round sang zawk luh inchuh match dangah Czech 20th seed Karolina Muchova a tum leh dawn a, Muchova hi Sorana Cirstea hnehtu a ni.

Belgium player 16th seed Elise Mertens chuan inkhel dangah 7-5 6-1-in American tleirawl kum 18 mi Caty McNally a hneh a, last 16-ah second seed Sofia Kenin a tum leh dawn a, American Kenin hi 7-6 (7-4) 6-3-a Tunisia mi Ons Jabeur hnawtchhuaktu a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy