Chi (salt) hi kan diet-ah a pawimawh hle a, water retention, muscle contraction atan a pawimawh bakah nutrients chi hrang hrang digestive system tana pawimawh te a nei bawk.
Kan taksa-ah sodium (chi al) a tlem lutuk chuan kan cell ten kan taka tui an awm te an khawl thei lova, chuvangin dehydration a thleng thei. Chutih rualin thil al kan ei tam lutuk vanga kan taksaa sodium a tam lutuk chuan BP sang neihna risk a tisang leh thung.
A nih leh chi chu engzat nge kan ei ang? American guidlines-ah chuan kan taksa hian ni khatah sodium gran chanve vel chauh a mamawh niin an sawi. Mahse, a tlangpui thuin chi hi nikhatah grans 9 aia tlem kan ei deuh vek a, thenkhat chuan nitin gram 12 vel an eiziah bawk. Chuvangin kan chi ei hi kan tihtlem a ngai ta a ni.
Chi ei tam lutuk hi a pawi hle a, chi ei tam chuan kan taksa-ah water retention a nasa lutuk a, chu chuan kan kal (kidney) a nghawng a. Kal-in taksaa tui chuangtlai a paihchhuah tur ang a paihchhuak zo lova, chu chuan thisen zamah thisen a pump hnem phah a, BP sang (hypertension) a siam thei niin an sawi.
Tui chuangtlai (extra fluid) paih chhuah tuma a beihna lamah kan lung (heart) in a tuar a. Lung-a cell ten oxygen leh nutrient an dawn tur an dawng pha lova, an thawh tur angin an thawk thei ta lo. A lo rei hnu chuan BP a sang chak ta hle a, chu chuan arteries puakkeh emaw thisen block te a siam thei. chutiang a thlen chuan kan lung-in oxygen leh nutrient a mamawh tawk a dawng thei lova, heart attack kan lo nei ta thin a ni.
Engtin nge i tih tak ang?
1. Chawei dawhkanah chi bur chhawp suh.
2. Chi ei hi chindawklak theih a ni a, chi ei tlem pawh chindawklak theih tho a ni.
3. Snacks al chu- peanuts leh potato chips ang chi te ei tlem rawh.
4. Sa tin leh chawhmeh in pack chi te ei tlem rawh.
5. Balhla bakah potassium pai tam chi ei tam rawh. Chu chuan kan taksaa sodium level a siamtha thei a ni.
Chi leh i lung
