Politics boruak leng vel karah buai loa, chiai lo turin ZPM chuan an party mite an chah.
ZPM Political Affairs Committee Extended meeting thuchhuak chuan, Zoram hmun hrang hranga ZPM hmasawnna kal zel chu a lungawithlak hleah a ngai a, lawmawm a tih thu a sawi. ‘Zoram mipuiin kan beisei, kalphung thar mipui sawrkar a pian ngei theihna’n General Headquarters chuan rim takin hna kan thawk mek a, Zoram hmun hrang hranga party mipui taima lehzuala tan la sauh sauh turin kan inchah a, politics boruak leng vel kara lo buai a, lo chiai mai lo turin kan inngen a ni,’ a ti.
2023 July 31-a Serlui leh Champhai North constituency-a candidate tura an lo ruat tawhten chhungkua leh mimal lama harsatna an neih thu Nomination Committee-a an thlen avanga an aiawh atana Committee-in a ruat chu an thlawp a. An kalzelna turah duhsakna an hlan tih a sawi a ni.
‘Mipui tawiawmna tel lo chuan kan beisei ram kan thleng zo dawn lo tih kan hrechiang a. ZPM PAC Extended meeting chuan Zoram mipui zawng zawng thlawpna kan dil nghal a ni,’ a ti.
Chiai lo turin ZPM inchah
