Mizoram armed police 1047-in Lok Sabha inthlana vote an thlak ve theih loh chhan chu chief minister Lalduhoma vangah an ngai tih Congress Thalai chuan an sawi.
Congress Thalai Hqrs. thuchhuak chuan, chief minister chu tunhnaia a bial fannaah Mizoram sawrkar department hrang hrang – a pawl angte, association angte in amah leh a kaihhruai sawrkar do an tum a, a bikin Police department-in amah do nasat an tum tih a sawi thu sawichhawngin, hei hian MP inthlana police thenkhatin vote an thlakna hun siam sak an nih loh chhan a tichiang niin a sawi.
‘Pu Lalduhoma hian Assembly House-ah meuh Police department chu rintlak loh, innghahna tlak ni lo, kut leh ke vung ber bur tiin diriam chungin a lo bei tawh a. Hei hian Mizoram Police-te rilru a ti na takzet a. Hetianga ram mipui dikna leh chanvo ti thei loa siam pawisa lo chief minister hi kan police pawhin a himna tura an thawh hi an ba lo ah kan ngai a. Mizoram Police-te hnenah ngaihdam dil turin kan phut a ni,’ a ti.
Chief Minister vanga vote thlak loah ngai
![](https://theaizawlpost.org/wp-content/uploads/tap_logo-min-large.jpg)