Ni hnih awh 32nd National Children’s Science Congress state level chu Nilaini khan Science Centre Auditorium Berawtlangah tan a ni a. Mizoram district hrang hrang atangin child scientist-te thil zirbing project 44 hmangin intihsiak a ni.
Science Congress hawngtu School Education director Angela Zothanpuii chuan, child scientist-te thawkrima nasa lehzuala lehkha zir turin a fuih a. India ram pum huapa lang pha khawpin zirnaah tan lak a tul tih a sawi. Kum 1993 atanga neih tan, Children’s Science Congress bahlah awm loa STAM (Science Teachers` Association Mizoram) in a buatsaih thin chu lawmawm a tih thu a sawi a ni.
Child scientist-te hi Science Centre-ah ‘hands on activities’ neihpui an ni a. RIPANS leh Pachhunga University College Science Laboratory tlawhpui an ni bawk
Science Congress hi vawiin – November 19 hian khar a ni anga, adviser to chief minister Dr KC Lalmalsawmzauva’n a hmanpui ang.
Children’s Science Congress nei

