Daily Newspaper

China-ah hripui leng nasa zual zel

6

Chinese city Nanjing a Covid leng hmuhchhuah chu province dang panga leh Beijing ah a darh tawh a. Thuneitute chuan Wuhan khawpuia a len hnua a len darh nasat ber a nih thu an sawi.

July ni 20 khan airport lun takah hmuhchhuah niin chumi hnuah mi 200 chuang a kai hmuhchhuah an ni tawh bawk.

Augsut ni 11 thlengin Nanjing atanga thlawhna thlawkchhuak zawng zawng tihtawp tur a ni dawn a. Officials te chuan khawpui chhunga chengte lakah test an kalpui dawn bawk.

Xinhua news chuan Nanjing a cheng maktaduai 9.3 te chu test vek an nih tur thu leh Nanjing tlawha cham mek mitin te pawh test vek an nih tur thu a sawi.

Mipui tam tak test nghakin an in tlar a, thuneitute chuan hmaikawr vuah vek tur leh metre khat dana awm turin an hriattir bawk.

Officials te chuan inkaichhawn awlsam Delta variant chu a leng mek tih sawiin airport lun taka hmuhchhuah a nih avangin hmun dang dangah pawh darh nasa thei a nih thu an sawi bawk.

Nanjing health official Ding Jie chuan airport-a hrikai an hmuhchhuah hi July 10-a Russia atanga rawn thlawk lut atanga cleaner-in a kai nia an hriat thu a sawi a. Cleaner hian hygiene measure khauh tak a zawm loh vang tiin Xinhua news chuan a tarlang bawk.

Airport mangement authority te chu Communist party senior disciplinary body te chuan khak nghalin inven fimkhurna lama hma la tha lo an ti bawk.

Hri leng hi khawpui 13-ah tal darh tawha ngaih a ni a, chung zingah chuan Chengdu leh capital Beijing te pawh a tel a. Hripui leng hi a tir tea hriat a nih avangin thunun theih thuneitute chuan an beisei thu an sawi bawk.

Hripui leng leh vang hian Chinese siam vaccine Sinovac chu a rintlaknaah zawhna siam ni zuiin South East Asian ram thenkhat China vaccine hmangte chuan vaccine dang an hman tur thu an sawi zui nghal bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy