China-a mipui tamna ber Huangdong province chu ruahsur nasa thlen tuilian nasa takin a tibuai mek a, mi 60,000 chuang an chenna in a\anga hmun him lama thiar chhuah an ni.
Mi sawmpakhat an chin hriat lohin an awm mek a, mahse, nunna chan erawh hriat a la ni lo.
Tuilian chuan ram zau tak chim mekin tui thuk takah chhanchhuaktute chuan lawng in mihring an thiar tlauh tlauh a ni.
Lui lian tam tak te chuan an kuang an chim liam hlawm a, thuneitute chuan tui chim chin chu sang hlauhawm tak a la ni mek tiin an sawi.
Thuneitute chuan northern Guangdong a lui chuan kum 100 chhunga a \um khat nan a chim chin san ber \um a thleng thei reng an ti bawk a.
Guangdong hi Pearl River delta chuan hnuaia awm niin tuilian, sea level sang zel leh thlipui avangtein tuilian tawk fo a ni.
He delta hi China a thil siamchhuahna hmunpui niin China a mipui bit leh tamna ber a ni bawk a, Guangdong bikah hian mihring 127 million lai an cheng a ni.
Tuilian chuan provincial capital Guangzhou mai bakah khawpui te zawk Shaoguan leh Heyuan te chu a tibuai hneh hle.
Province pumah chenna in 1.16 million te chuan kar kalta tawp lam khan power an nei lo va, mahse, Pathianni zan kha chuan electricity 80% vel chu pekchhuah leh theih tawh a ni.
Guangzhou a Baiyun International Airport chu ruahsur chhunzawm zel avangin khar rihin a awm reng bawk a, school te pawh khawpui lian pathumah chuan kharin a awm bawk.
Province-a hmun hrang hrangah chenna in tam tak tuilian vanga chim leh chhia awmin thuneitute chuan hriat theih chinaha pawh tihchhiat $19.8 million hu a awm der tawh an ti.
China meteorological authority te chuan ruahsur nasa chuan Thawhlehni thleng a la awh dawn tiin an sawi a. Ruahsur chuan Beijing, Tianjin leh Heibei te pawh a nuai ve dawn tho an ti bawk.
Nikum July khan China capital Beijing leh a chhehvel province Heibei te chu ruahsur nasa avanga tuilianin a tibuai fe tawh a. Nikum July thla a chawlhkar khat kha Beijing in kum 140 chhunga a ruahtui dawn tam ber a ni bawk.
China-ah tuilian nasa hle
