Daily Newspaper

China aiin India Air Power tha zawk

21

Indian Air Force chu hlauhawm awm thei lakah ‘dinhmun tha takah’ awmin hmun thenkhat security thila pawimawh zualah sipai rual chak tak siam rem mai thei turin a dinhmun a tha hle tiin Air Chief Marshal RKS Bhadauri chuan a sawi a. Hei hi China nena eastern Ladakh a inngurna chung chang a sawina anga ngaih a ni.

Air Force Day October 8 a neih hmaa press conference a neihah Air Chief Marshal Bhadauri chuan Chinese air power chu India aiin a tha zawk thei lo tia sawiin mahse hmelma te dahhniam tur erawh a nih hauh loh thu a sawi bawk.

Hei bakah hian IAF chuan ramri hmarlam leh thlang lamah buai awm thut se indo hmachhawn turin a inpeih at reng thu a sawi bawk a. “Eng pawh hmachhawn thei turin kan inpeih a ni,” tiin IAF chief chuan eastern Ladakh a China in chetla thutse tia zawhna chu a chhang a ni.

“Hmun pawimawhah kan indah vek tawh a, Ladakh te hi chu hmun te zawk a ni,” tiin a sawi bawk a. Rafale jet neih thar chuan dinhmun thaah a siam thu a sawi bawk.

Ram pahnih te hi thla nga chuang ramri-ah an inngur tawh a, diplomatic leh military hmanga inbiakna neih mek niin inremna erawh an la siam thei lo va, October 12 hian inbiakna neih leh tur a ni.

India chuan high-altitude region ah sipai tam tak leh ralthuam lian te a chhawp tawh bawk hial a.

IAF te pawhin frontline fighter jet Sukhoi 30 MKI, Jaguar leh Mirage 2000 aircraft te chu eastern Ladakh hnaiah an dah vek tawh a, Rafale jet panga India-in a neih thar te pawhin eastern Ladakh hi an fang tawh bawk.

IAF te chuan eastern Ladakh region-ah zanah combat air patrol an nei bawk a, hei hi China a vauletna anga ngaih a ni.

September 21 a military talks ram pahnih tena an neih hnuah sipai pahnih te chuan frontline-ah sipai tirhluh belh loh an remti dun bawk a, hei bakah hian mahni duhthua chetlak loh an remti bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy