Daily Newspaper

China Change’e-5 him takin tum ta

14

China’s Chang’e-5 mission chuan thla lung leh lei te phur teuhin leiah a tum leh tawh a.

He capsule thla lei leh lung phurtu hi Inner Mongolia ah Ningani khan him takin a tum a ni.

Kum 40 kaltaa American Apollo leh Soviet Luna mission tena thla lei lung sample an lak hnua la leh hmasa ber a ni a.

Heng thla leilungte hmang hian thla geology te zirchianna tha zawk neih theih a nih beisei a ni.

Chang’e-5 hi November thla tawp lama kahchhuah kha niin thla hnaih orbit-ah element tam tak tirh niin chu mi hnuah element te chu inthen hrang lehin a zahve te chu lunar surface-ah an tla a ni.

Lander system te chuan thirfian leh lei verhna an ken hmangin sample an la a, engzah nge an lak hriat theih a ni lo chungin 2-4 kg vel nia ngaih a ni.

Chumi hnuah vehicle te chuan chung thla leilung te chu lunar orbit ah kengin Earth-return module ah an hlang leh ta a ni.

American Apollo astronaut leh Soviet robotic Lunar lander te khan lunar surface material 400 kg aia tlem deuh hlek a vaiin an lakhawm a.

Mahse, chung sample te chu upa tawh tak te niin kum billion thum vela upa anga ngaih a ni a. Chang’e-5 in thla leilung a lak te hi chu danglam zawka ngaih a ni.

Chinese mission hian thla a volcanic region Mons Rumker tia vuah Thla hmar thlang lam a mi leilung an la a ni.

Heng sample an lak te hi kum billion 1.2 emaw 1.3 vela upa anga ngaih a ni a, heng leilung hmang hian thla leilung pawimawh dang hriatfiah theih a nih rin a ni a.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy