Daily Newspaper

China chona chhang let turin US-India thawhdun ngai : Pompeo

18

U.S. Secretary of State Mike Pompeo chuan India leh US te chu Chinese Communist Party (CPC) chona chhang let turin an thawh dun a ngaih thu a sawi.

Heng thu hi Pompeo chuan India Ideas Summit, US India Business Council (USIBC) tena an huaihawta thusawina a neiha a sawi a ni.

“Democracy ram keini ang te kan thawh dun hi a pawimawh a, a bik takin tunlaia Chinse Communist Party-in chona nasa a siamah hian a pawimawh zual,” tiin Pompeo, Europe tlawha zin mek chuan video message hmangin a sawi.

“Kan ti fuh lo a nih chuan kan infrastructure projects, supply chain, kan sovereignty, kan mipuite hirselna leh kan himna te derthawngin a awm a ni. Tun hnaia PLA in tharumthawhna a kalpui (Galwan inbeihna) te kha CCP te chetdan pawm theih miah loh a ni a. India sipai 20-in nunna an chan kha pawi kan ti takzet a ni. Kan thawhho chuan kan ngaihpawimawh te kan humhim thei ang,” tiin a sawi bawk.

Hei mai bakah hian Pompeo chuan India chu US President Donald Trump foreign policy pawimawh zingah a tel thu a sawi bawk a. “India hi President Trump foreign policy multi-lateralism tak takah a ki pawimawh a ni,” tiin a sawi bawk.

Secretary Pompeo chuan tun hnaia India leh US thawhdunna sawiin chung zingah chuan Quad leh World Intellectual Property organisation election kumina neih chungchang a sawi bawk a, he inthlanah hian Chinese candidate aiin Singaporean candidate chu thlantlin a ni nghe nghe a ni.

USIBC summit-ah hian India External Affairs Minister jaishankar chuan US leh India te chuan ‘tangdunin khawvel an thlak danglam thei’ tiin a sawi a, chumi tur atan chuan US chuan alliance ‘piahlama a kal’ a ngaih thu sawiin multipolar khawvelah plurilateral arrangement a kal amamawh tiin a sawi bawk.

Pompeo hian Britain chu China duh lo inzawmkhawm pawla tel turin a tur niin European press te chuan an tarlang bawk.

Prime Minister Narendra Modi an India a invest turin sawm

Prime Minister Narendra Modi chuan US company te chu India rama healthcare, infrastructure, defence, energy, farm leh insurance sector ah te sum peipung (investment) titura sawmin India chu a inhawnga a remchang em em bawk tiin a sawi.

“India-ah khawvel pumin beisei a nei a. A chhan chu India ininhawnna, remchang te a pek vang a ni. Ka sawi zau duh chu, India sorkar leh mipuite chu an inhawng a ni,” tiin Modi chuan US-India Business Council meet ah a sawi a.
Covid-19 chuan economic fan thei pawimawhna a phochhuak nia sawiin chu chu ram chhung economic theihna chak tak hmanga neih theih a nih thu a sawi a.

“Ram chhungah thil siam chhuahna tih tam te, health leh financial system tihchak te leh international trade hrang hrang siam te tihchangtlun a ngai a ni,” tiin a sawi bawk.

“India chu land of opportunity a nih tawh thu sawiin entirnan tech sector ka sawi ang a. Tun hnaiah report pawimawh tak India atanga chhuak a awm a, chutah chuan a tum khat nan khawpui aiin thingtlangah Internet hmangtu an tam zawk,” tiin a sawi bawk.

Open market chuan remchang nasa zawk a siam tiin Modi chuan a sawi bawk a, a sorkar kum ruk chhungin Indian economy chu inhawng zawk leh refom hawi zawng hlira an kal thu Prime Minister chuan a sawi a.

Reform chuan inelna, langtlang, digitisation, innovation leh policy nglenghet a thlen a ni, tiin Prime Minister Narendra Modi chuan a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy