Daily Newspaper

China company-in Indian mi pawimawh 10,000 chuang enthla

12

Rajya Sabha-a Congress member te chuan media report-a Indian mi langsar 10,000 chuang te Chinese technology company-in an chhuibing tia sawiin sorkarin hei hi a hria em tiin zawhna an siam bawk.

Congress member pahnih K.C. Venugopal leh Rajiv Satav te chuan Zero Hour-ah heng thil hi sawiin Rajya Sabha Chairman M. Venkaiah Naidu chuan Minister of Parliamentary Affairs chu chhinchhiaha minister hrilh turin a ti bawk.

“Chairman kaltlangin House hriattirna neih ka duh chu national security kaihhnawih leh Indian khua leh tui te privacy kaihhnawih chanchin duhawm lo zet a awm a ni,” tiin Venugopal chuan a sawi a.

Indian Express chuan Shenzen-based technology company, Chinese sorkar nena inzawmna nei leh Chinese Communist Party nena inzawmna nei bawk chuan Indian mi 10,000 chuang te chu global data base an siamah an chhuibing tiin a tarlang a.

“Heng zingah hian President of India bakah Vice President of India, Prime Minister of India leh opposition leader, Congress President, Chief Ministers, MPs, amry chief, leh industrialists te pawh an tel a ni,” tiin Venugopal chuan a sawi.

Chinese company te chuan dinhmun pawi mawh luah bureaucrats te, judge, scientists, academicians, journalist, actor, sportsperson, sakhaw hruaitu leh activists te pawh an data base siamah hian an chhuibing a ni, a ti bawk a.

‘Hei hi ngaimawh awm tak mai a ni a. Sorkar hian hei hi a hre tawh em. A hria a nih chuan eng nge chet lakna a neih le’ tiin Venugopal chuan a zawt bawk.

Congress leader chuan sorkar chuan ramria Chinese te chet danah sorkar chuan zawhna a chhang duh lo va, sawiho pawh a duh loh thu a sawi bawk a.

Congress hruaitu dang Satav chuan, “Sorkar hian sawifiahna a neih a ngai a, thudik a lan a ngai. Eng vangin nge Chinese company ten mi langsar lakah spy hna an thawh,” tiin a sawi bawk.

Naidu chuan Minister of Parliamentary Affairs chu chhinchhiah tura tiin, “Nagihpawimawh tur a ni a. Minister a kaihhnawih te hrilhin thil nihna finfiah ngai a ni,” tiin a sawi.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy