Daily Newspaper

China company lian te dinhmun duhawm lo

21

Huawei Technologies founder Ren Zhengfei chuan khawvel pum huapa sumdawnna kalpui zel tumin southern China-ah nghet takin a inbun a, he a hmunpuiah hian European khawpui anpui ang chiah building te a sa nasa hle bawk a.

Video tawi te te pholann TikTok neia ByteDance dintu Zhang Yiming chuan Beijing-a an headquarter chu poster hmangin a chei a, chung zingah chuan Google CEO hlui Eric Schmidt an ‘How Google Works’ tih lehkhabu a ziah kawm te pawh a pholan zingah a tel a, US tech giants te elpha tur global firm din chu a thupui a nih thu a sawi fo bawk.

Mahse, heng company pahnih te hi China chuan US-in tech a thunun a chhanletna tha ber bera ngaih an ni a. Mahse, chu chu tun hnaia China leh US inlaichinna chhia leh India, Australia leh Britain te nena an inlaichinna chhia chuan dinhmun derthawngah a siam ta thung.

Chinese company zingah pawh khawvel awp thei an awm nual a, chung zingah chuan drone siam tu DJI, artificial intelligence firm Megvii, SenseTime leh iFlytek, surveillance cameravendro Hikvision leh e-commerce conglomerate Alibaba Group te chu China leh ram dang inkarna chhia avanga hloh nasa tak nei an ni.

“Tuna kan tawn mek ang hi kan la tawng ngai lo,” tiin Chinese startup fpunder pakhat US leh India a sumdawnna kalpui chuan a sawi a, “Heng avang hian ka entrepreneurial spirit chu nasa takin a tlahniam a ni,” tiin a sawi.

Kum khat kaltaa US leh China in trade war an neih nen khan khaikhin theih pawh a ni lo va, Huawei vanga security thila fimkhurna pawh in China company dang te a khawih vak lo. Tunah erawh thil a danglam ta riau a ni.

SenseTime leh Megvii, US investor tena an thlawp te chuan IPO lian tak an hisap phah ta ringawt a. ByteDance ho TikTok chuan khawvel pumah an lar vanglai an tawng a, Alibaba in cloud business hui vek an tum lai leh DJI in drone business a arpa chan an chan lai a ni bawk a.

Mahse, US chuan nikum October khan Chinese tech firm te a hrek ta tlat a, a hrek chhan pawh China khawthlanga Xinjiang province a Uighur Muslim te awpbeh luihna a duhloh vang a ni.

US President Trump an inthlana chak leh duhin anti-China a aupui a, Chinese President Xi Jinping an khauh zawkin chet a la lui bawk a. Hong Konga China in new security law a kalpui vangin ram dangte nena inlaichinnain nasa takin a chhiat phah a, a thenawm ram lian India nen ramri-ah intibuaiin India sipai thahnem takin nunna an chan phah avangin India sorkar thinrimin Chinese apps 59 an khap bur zui bawk a.

China top tech players te chu khawvel hmun hrang hrangah an contract tihtawp sak an ni a, an thil siam khapsak niin investment tih an phal lo bawk a. ByteDance chuan TikTok chu India in a khap ang chiahin Washington in khap a tumna a tihlawhtling a nih chuan a hralh a ngaih phah ang tia sawi niin $20 billion hu laia hlu a ni.

Huawei chu an thil siam chhuah bungrua pawimawhte ram hrang hrangin hman an khap avangin sum billion tel hloh phah dawn a, Huawei te bungrua hi United States leh Britain te chuan an rama hman an khap tawh.

US Interior Department chuan DJI bungrua a lei thin a titawp a, hei hi data security lama him lova a ngaih vang niin Aliba Group te chuan India in an mobile Web browser UC Web a khap zingah a tel avangin an staff an ban then nghal a, DJI te chuan IPO plan an siam zui nghal bawk.

China tana thil lawmawm chu sector pawimawh lutuk lo zawk gaming te ang chu a pangngaiin a la kal thei thung a. Tencent Holdings te apps lar leh sum hnar PlayerUnknown’s Battleground ang te chu India in a khap zingah a tel lo hlauh bawk a.

Chinese company te chuan foreign regulator te rilru thlaktir tumin theih tawp chhuah mah se Beijing policy inthlak danglam a awm hma chuan engmah a ni dawn lova ngaih a ni bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy