China economy chuan a tlakhniam ber a tawn hnuah second quarter ah 3.2% in a sang chho leh.
Khawvela economy lian ber pahnihna hi coronavirus lockdown avangin kumin kumtir thla thumah nasa takin a tlahniam a ni.
Mahse, figure thar ber tihchhuahah China’s Gross Domestic Product (GDP) chu April leh June-ah a sang chho leh ta a. Hei hi khawvel pumin China-in a economy a tharthawh leh tawh avangin an tlin a ni.
Figure hi mithiam tena an beisei aia sang zawk niin V-shaped recovery tih mai, nasa taka a tlakhniam hnua rang taka tha chho leh dinhmun a hawi a ni.
A awmzia bawk chu China chuan a zawna quarter hnih tlakhniamna negative growth pum pelhin technical recession a pumpelh tihna a ni bawk.
First quarter ah China economy chu 6.8% in a tlahniam a, GDP record hnua a tlakhniam ber a thleng a, hei hi pandemic leng vanga lockdown vang a ni.
He tih hun chhung hian China-a thilsiam chhuahna leh sum dawnna tin te chu khar vek niin virus leng tihtawp nan khuakhirhna khauh tak kalpui a ni.
May thla kha China chuan kum 2020 economic growth target chu pandemic leng avanga a siam loh tur thu a lo sawi tawh a. Beijing-in kum 1990 a record a neih tan atanga GDP target a siam loh hmasak ber a ni bawk.
A tum khat nan kumin thlaruk chhungin China economy chu 1.6% ah a tlahniam niin National Bureau of Statistics chuan a lo sawi tawh bawk.
