Asia khawmualah ah Hockey hmanga inelna lian Asian Champions Trophy 2024 final chu September 17, Thawhleh tlai khan Moqi Hockey Training Base, Daur Ethnic Park – China-ah khelh a ni a. Inkhel hmuhnawm takah champion lai India chuan 1-0 in inelna thlengtu China an hneh a, an champion nawn leh. India mipa team hi he inelnaah hian an vawi nga champion na a ni. India an champion theih nana thawhhlawk tak Harmanpreet Singh chu player of the tournament ah thlan a ni.
Final hmuhnawm takah champion lai India leh inelna thlengtu China te an inhnehtawk hle. Hun rei tak chhung goal lut a awm theih loh hnuin Jugraj Singh chuan minute 51-naah India hmahruaina goal a thun. China in an si phurh sut tum viau mah se hun tawp thlengin goal an thun thei lova, India lakah uiawm taka tlawmin, an mualah an champion zo lo.
Asian Champions Trophy 2024-ah hian Asian Champions Trophy 2024 South Korea tan goal 9 thuntu Yang Jihun chu top-scorer a ni a. China goalkeeper Wang Caiyu chu si nghak tha berah thlan a ni a. Korea si nghak Kim Jaehan chu most promising goalkeeper-ah thlan a i ve thung. Tarlan tawh angin champion India tana khel tha tak Harmanpreet Singh chu Player of the tournament-ah thlan a ni a. Pakistan rawlthar Hanan Shahid chu Rising Star of the Tournament-ah thlan a ni ve bawk.
China hnehin India an champion
