China in an ram tlawhtute cham theih hun chhung tisei
China chuan thawhlehni atang khan visa-free transit policy an tihziaawm thu a puang a, ramdang atanga tlawhtute chu ni 10 thleng hun an hman a phalsak.
Hei hi ramdang miten an ramchhung an tlawh tam theih nan leh ramdang atanga tlawhtu an pun phah theih nana tih a nih thu a sawi bawk.
He dan hi hman nghal tur a nih thu National Immigration Administration (NIA) chuan an official webiste-ah an tarlang zui bawk a ni.
A bik takin China ram hi Russia, Brazil, United Kingdom, United States leh Canada te chuan visa tel lo pawhin luh theih dan an lo neisa tawh a, tuna an dan thar siam leh tak a nih hnu hian heng ram mite tan hian a awlsam lehzual sawt tura ngaih a ni bawk.
China hian covdi-19 vanga kum thum chhung an ram chu tlawhpawh theih loh leh dan khirhkhiap tak a siam hnuah thlahdulin, khualzinte tana visa dan khirh tak an neihte chu an hlip then ta a ni.
China hian dan neihsa chhunzawm tharin, Spain, Singapore leh Netherlands ram atanga kalte chuan visa tel lovin ni 30 thleng an chamchilh thei a, NIA chuan tlawhpawhtu an tam zel theih nan an ram chuan dan thlah zalen an nei nual niin an sawi bawk.
China in an ram tlawhtute cham theih hun chhung tisei
