Daily Newspaper

China-in darthlalang lei sei record an siam

9

China hi darthlalang hmanga lei (bridge) siam lamah an hmingthang riau, runah pawh darthlalang lei, feet 1,725 a sei an siam a, khawvela darthlalak lei sei ber record a ni. He lei hi 4.5cm a chhah laminated glass thuah thum a siam a ni.

He darthlalang lei hi Guangdong province chhim lama awm a ni a, Huangchuan Three Gorges, Lianzhou-ah Lianjiang lui chungah a indawh at mai a, meter 526 (feet 1,725) a sei niin, July ni 18 khan an hawng a, an hawn hnu lawkah Guinness aiawhin an endik nghal a, khawvela darthlalang lei sei berah an puang ta a ni.

He darthlalang leiah hian tum khatah mi 500 thleng a lai-ah an dingkhawm thei a, ke a kal nana hman tur niin, mahse, adventure sports heng bungee jumping leh zip line atan te pawh an hmang dawn a ni.

A hmaa darthlalang lei sei ber record pawh China ami tho niin, Huaxi World Adventure Park, Jiangsu Province a mi a ni a, meter 100 a sang niin, meter 518 a sei a ni. He lei hi 3.5 cm a chah darthlalang hmanga siam a ni a, tone 4.7 pawh zo tura ngaih niin, tum khatah mihring 2600 vel dawl zo tura ngaih a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy