Daily Newspaper

China in ‘G4’ Swine flu an sawi anga hlauhawm a ni lo ti

8

China Ministry of Agriculture and Rural Affairs chuan ‘G4’ swine flu chu a thar a nih loh thu sawiin mihring leh ranin awlsam takin an kai thei lo tiin tun hnai lawka zirchianna tihchhuah chhanletna a nei.

Chinese scientist rual tena an zirchianna tun hnaia U.S. journal Proceedings of the National Academy of Sciences (PNAS) a chhuahah swine flu virus thar G4 chu awlsam taka mihringa inkaichhawn theih niin ‘pandemic virus’ ni thei dinhmunah a ding tiin an sawi a ni.

Mahse, China agriculture ministry te chuan thuchhuah siamin zirchianna chu media ten a lova luakchhuakin leh dikhlel takin an tarlang tiin a sawi a.

Ministry-in an zirchiana enfiah hnuah study publish tak chu huapzo lo tia sawiin article chuan finfiahna a tlachhama G4 virus chu vawkah chauh lengin pandemic dinhmun thlen thei nia ngaih a nih loh thu a sawi thung.
Thutlukna an siam theih chhan sawiin ministry chuan G4 virus in vawk industry leh public health a nghawng theih dan seminar an huaihawt thu an sawi bawk a. Chugah chuan Chinese veterinarian leh anti-virus expert te bakah PNAS study a leading author te rawn leh tel an nih thu a sawi bawk a.

Sawihona neihnaah G4 virus chu thil thar a ni lo tiin thuchhuah chuan a sawi bawk a. Hei bakah hian he virus hi World Health Organization (WHO) leh a kaihhnawih agency ten kum 2011 atang tawhin China-ah an enthlak leh enfiah reng a nih thu an sawi bawk.

Hei bakah hian G4 virus chu mihring taksa a insiam danglam zung zungin natna a thlen ve lo tiin an sawi bawk.
Ministry thuchhuah hi Yang Hanchun, swine viral disease scientist, China Agricultural University a thawk leh ministry anti-epedemic committee expert in hming a ziah hnan a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy